PIV 2026 · Artikolo 171

★afabla

Litero A★ Fundamenta

Derivaĵoj en la artikolo 4
  1. afablaĵ/o
  2. afablec/o
  3. malafabla
  4. mediafabla
★ afabla
1 iu kondutanta plaĉivole kun agrablaj vortoj kaj komplezo: esti afabla al iu esti afabla kontraŭ iu apud plena manĝotablo ĉiu estas tre afabla Z ĉu vi ne volos esti tiel afabla kaj traduki por mi la tekston ? Z mi afable petis lin, ke li senvestigu sin kaj sidiĝu B la glore konata firmo «Stephens’ Inks» afable proponis al mi, ke ĝi dissendos al ĉiuj esperantistoj ian leteron Z ➞ ĝentila, galanta 1.
2 io plaĉa pro la montrata bonvolemo aŭ komplezo: afabla informo Z afabla invito Z afabla vorto pli atingas ol forto Z grafo, per ridet’ afabla,
Ŝajne dankis por tiom da laŭdo agrabla G
3 KOMP facile uzebla por nesperta uzanto: afabla programo
afablaĵo io, per kio oni montras sin afabla.
afableco eco de iu afabla: dankon por la speciala afableco, kiun ili montris al ni per sia por ni tre kara memoraĵa donaco Z tre plaĉus al mi se vi havus la afablecon respondi al mi pri via decido OE
malafabla montranta aŭ esprimanta malbonvolon aŭ malfavoran humoron: malafabla akcepto rigardi malafable Z ➞ acida, grumblema.
mediafabla = (prefere) mediindulga.