PIV 2026 · Artikolo 2016
★blua
Derivaĵoj en la artikolo 13
★ blua
1 samkolora kiel sennuba taga ĉielo: bluaj okuloj Z blua cejano blua vinko sur la mallume blua maro ĉie montriĝis blankaj velŝipoj Z blua papero blua krajono blua rubando blua kitelo blua laborvesto
2 distingiĝanta per tia (proksimuma) koloro: blua sango nobela la blua rubando insigno de la plej rapida transnavigado de iu oceano MEDI la blua malsano nomo de denaskaj malsanoj kaŭzataj de misformiĝoj de la koro aŭ de la dikaj vaskuloj, kaj donantaj bluan nuancon aŭ bluetan koloron al la haŭto ➞ cianozo MEDI blua infano Kay estis tute blua de malvarmo Z ➞ Blubarbo, Blua Rivero; bluŝtrumpulino.
bluo blua koloro aŭ farbo: prusa bluo marista bluo ĉiela bluo lesiva bluo farbo, kiu donas al la tolaĵo pli blankan nuancon
bluaĵo io blua: la vejnoj faris bluaĵon sub la delikata haŭto bati bluaĵon kontuzon al iu Z havi bluaĵojn kontuzojn sub la okuloj Z
blueta nur proksimume blua: ili flugis al la blueta Mediteranea Maro Z
bluigi fari blua: bluigi akvon per metilenbluo
bluiĝi fariĝi blua: la lipoj de Horus mortanta bluiĝis B
akvoblua blua kiel akvo: grandaj akvobluaj okuloj Z
alkalobluo KEMI blua koloraĵo uzata kiel indikanto.
cejanobluo bluo simila al tiu de cejano.
lavendoblua viole blua, kiel la floroj de vera lavendo.
metilenobluo intense blua koloraĵo, malforte kontraŭsepsa.
verdeblua, verdoblua havanta bluan koloron kun iom verda nuanco. Sin. turkisa.