PIV 2026 · Artikolo 9190

lavendo

Litero L

Derivaĵoj en la artikolo 4
  1. inter/a lavendo
  2. larĝafoli/a lavendo
  3. mal/larĝafoli/a lavendo
  4. ver/a lavendo
lavendo BOTA daŭrafolia arbusteto aŭ tufarbusto kun folioj mallarĝaj, grizaj, haraj, integraj, dentaj aŭ plume diverse entranĉaj, kaj kun floroj intense bonodoraj, viole bluaj aŭ viole purpuraj, malofte blankaj, en infloreskoj (spikoj); precipe mediteraneaj, pluraj kultivataj por ornamo kaj/aŭ esenco. genro Lavandula Sin. lavandulo. ➞ lamiaco, lavendoblua, lavenda esenco.
intera lavendo speco de lavendo, same uzata kiel vera lavendo. specio Lavandula intermedia
larĝafolia lavendo speco de lavendo kun folioj riĉaj je kamforo; kun pale lilaj floroj. specio Lavandula latifolia
mallarĝafolia lavendo vera lavendo.
vera lavendo speco de lavendo, kun purpuraj floroj; medicine kaj parfumindustrie uzata. specio Lavandula angustifolia Sin. mallarĝfolia lavendo.