PIV 2026 · Artikolo 2537
★cimo
Derivaĵoj en la artikolo 8
★ cimo ZOOL
1 KOMU insekto kun antaŭaj flugiloj kun interna ledosimila kaj ekstera lameneca partoj (duonelitro), dum la postaj flugiloj estas tute membranecaj; iuj specoj havas odorajn (ofte malbonodorajn) glandojn. membro de la subordo Heteroptera el la ordo Hemiptera Sin. heteroptero. ➞ hemiptero, geriso, cumo.
2 plata malbonodora cimo 1 kun kriplaj flugiloj. genro Cimex abomena ĉambro, kaj cimoj tiaj, kiajn mi nenie vidis: ili mordas kiel hundoj Z ➞ hemiptero.
3 KOMP fuŝo en komputila programo: ĉe sufiĉe da okuloj, ĉiuj cimoj estas malprofundaj facile korekteblaj EGE
cimedoinsekto en tiu taksonomia familio, kies tipgenro estas cimo 2. membro de la familio Cimicidae (cimedoj)
akvokura cimo longkrura cimo, kiu rapide piediras sur senfluaj aŭ malrapidaj akvoj. genro Gerris Sin. geriso. ➞ gerisedo.
dorsonaĝa cimo cimo 1, kiu vivas en akvo same kiel korikso sed naĝas kun la ventro supre. familio Notonectidae Sin. notonekto. ➞ heteroptero.
fajrocimo malgranda, ruĝa kaj nigra cimo 1; manĝas la foliojn de limearboj; de la moderklimata zono de Eŭrazio de okcidenta Eŭropo ĝis nordorienta Ĉinio. specio Pyrrhocoris apterus
litocimo
1 (striktasence) cimo 2, kiu vivas en domoj, precipe en litoj kaj muroj aŭ malantaŭ tapetoj, kaj suĉas sangon de homoj. precipe specioj Cimex lectularius kaj Cimex hemipterus Sin. litlaŭso.
2 (vastasence) malgranda parazita cimo 1, kiu suĉas sangon de vertebruloj (inklude homojn kaj birdojn). membro de la familio Cimicidae
plantocimo ĉia cimo 1, kiu vivas sur semplantoj.
sencimigi KOMP identigi kaj forigi cimojn el programo: la firmao tuj liveris «sencimigitan», do riparitan version de sia pekinta produkto PeS
sencimigilo KOMP programo, kiu helpas analizi cimojn en alia programo.