PIV 2026 · Artikolo 295
akapari
Derivaĵoj en la artikolo 4
akapari tr
1 KOME aĉeti kiel eble plej multajn varojn, kaj poste per reteno maloftigi ilin sur la merkato, por povi vendi ilin pli multekoste: akapari la grenon Sin. foraĉeti. ➞ monopoligi.
2 (figurasence) proprigi ion al si, kaŭzante al aliaj malutilon: la roma imperiestro iom post iom akaparis ĉiujn povojn sekularismaj aktivuloj akaparas la socian vivon LMa akapari la amaskomunikilojn GLe
akaparo, akaparado ago akapari: ni dediĉis niajn vivojn ne al akaparo de oro, sed por la filozofio SSz ➞ kartelo, trusto.
akaparemo emo akapari: la akaparemo kaj gloravido neniun incitos kontraŭ lia homfrato SSz
akaparisto iu, kiu akaparas: dum la franca revolucio la akaparistoj estis punataj je morto