PIV 2026 · Artikolo 3462

★dungi

Litero D★ Fundamenta

Derivaĵoj en la artikolo 14
  1. dungo
  2. dungad/o
  3. dungant/o
  4. dungat/o
  5. dungig/i si/n
  6. dungiĝ/i
  7. dungiĝ/o
  8. dungiĝ/ad/o
  9. dungit/o
  10. dungit/ar/o
  11. maldungi
  12. maldungiĝ/i
  13. sendungad/o
  14. subdungit/ec/o
★ dungi tr interkonsenti kun laborist(in)o, servist(in)o aŭ oficist(in)o por havigi al si ties servadon laŭ difinita salajro:dungi laboristojn por sia vinberĝardeno NT dungi maristojn por krozado dungi tajpistinon tiuj dungis kontraŭ ili Bileamon, por malbeni ilin MT kompetentulo ĉion bone faras;
Sed kiu dungas pasantojn, tiu dungas malsaĝulojn MT
➞ lui 1, servigi, varbi; dungoficejo.
dungo, dungado ago de dunganto: en tiu kampara regiono la dungado okazas nur en Septembro
dunganto iu, kiu dungas: la dunganto devas pagi duonon de la sociala asekurado Sin. labordonanto. ➞ mastro, kapitalisto, posedanto, proprietulo.
dungato dungata laboristo:la dungatoj devas subskribi laborkontrakton
dungigi sin igi sin dungito; trovi pagatan laboron por si:satuloj sin dungigas pro pano,
Kaj malsatuloj jam ne malsatas MT
dungiĝi iĝi dungito: li iris al polvosuĉila firmao kaj dungiĝis CRo
dungiĝo, dungiĝado ago dungiĝi, aŭ ties rezulto: la plena dungiĝado estas ĉefa postulo de la sindikatoj
dungito dungita laboristo: asekuri siajn dungitojn kontraŭ akcidentoj laŭjara dungito MT Sin. laborprenanto. ➞ proleto, salajrulo.
dungitaro tuto de la dungitoj en firmao, sinjordomo, kampodomo k.s.
maldungi ĉesigi ies dungitecon: ĉu li foriris mem, aŭ estis maldungita? CPi ➞ eksigi, forsendi; maldunga mono.
maldungiĝi iĝi maldungita: li preferus maldungiĝi ol agi kontraŭ la konscienco CPi
sendungado senlaboreco 1.
subdungiteco ekonomia stato, en kiu nur parto de la disponeblaj laborfortoj estas dungitaj, kontraste al plena dungiteco.