PIV 2026 · Artikolo 4068

★escepti

Litero E★ Fundamenta

Derivaĵoj en la artikolo 6
  1. escepta
  2. escepte
  3. escepte de
  4. escepte se
  5. escepto
  6. senescepte
★ escepti tr apartigi kaj lasi iun aŭ ion ekster elnombrado, asertado, pridiritaĵo: la mortigistojn oni esceptis el la amnestio escepti iun el komuna leĝo se ni esceptos ian kriantan erarpaŝon , ĉiu devas konsenti, ke Z celadon al lingvo internacia ne devas escepti eĉ la plej varmega blinda ŝovinismo Z ĉia konkurado estus por ĉiam esceptita Z la pentantoj estu esceptataj el la ŝtiparumo ➞ ekskluzivi.
escepta prezentanta escepton; eksternorma; eksterordinara: en tiaj esceptaj okazoj li okupas gravan postenon pro siaj esceptaj kapabloj en momento de escepta sincereco
escepte
1 en escepta okazo: mi kuracas la okulmalsanojn nur escepte
2 ekskluzive nur; esceptante ĉion alian: mi min okupas escepte de malsanoj de okuloj Z escepte por vi, alte estimata sinjorino, mi nepre oferus mian liberecon kaj edziĝus Z tiuj sovaĝuloj nutras sin escepte per kreskaĵoj Z
1 Por eviti miskomprenojn, estas konsilinde uzi en la unua senco esceptokaze kaj en la dua ekskluzive.
escepte de kun escepto de; ekskluzive de: li pardonis al ĉiuj, escepte de sia filo ➞ krom 1, ekster; flanklasi.
escepte se krom se; sed ne se: mi venos, escepte se pluvos
escepto io esceptita: tiu ĉi formo estas ne tre necesa escepto el regulo Z fari propravole escepton por tiuj tri regnoj mi ne konsilus Z «krom» per si mem esprimas nek escepton, nek aldonon Z ili tute ne prezentas ian escepton Z ne ekzistas regulo sen escepto Z la reĝo Asa kunvokis ĉiujn Judojn, sen escepto MT ĉiuj estos punitaj kun escepto de vi
senescepte nepre; absolute; ne farante aŭ ne havante escepton: preskaŭ ĉiuj senescepte enhavas plenan aprobon Z la vortakcento falas senescepte sur la antaŭlasta silabo JWe