PIV 2026 · Artikolo 3611

ekskluziva

Litero E

Derivaĵoj en la artikolo 7
  1. ekskluzive
  2. ekskluzivi
  3. ekskluzivec/o
  4. ekskluzivem/a
  5. ekskluzivem/o
  6. ekskluzivig/a
  7. ekskluzivig/i
ekskluziva
1 tia, ke ĝi ne akceptas ĉion aŭ ĉiun alian pro neakordigeblo: la lingvo havas grandegan kaj preskaŭ ekskluzivan rolon en la diferencado de la gentoj Z ekskluziva societo ekskluziva privilegio ekskluziva rajto de kopio ekskluziva superregado de la ĉefaj lingvoj
2 eksterlasanta aŭ formetanta la menciitan aferon: la prezo de la manĝo estas ekskluziva je aŭ: de la vino ambaŭ teorioj ne estas reciproke ekskluzivaj
➞ inkluziva.
ekskluzive
1 neakceptante ĉion alian pro neakordigeblo: pli ol mil homoj parolis inter si ekskluzive nur en neŭtrala internacia lingvo Z fordoni min plene kaj ekskluzive al miaj amataj idealoj Z ili ĉiuj apartenas ekskluzive al mi Z havi sencon ekskluzive aktivan Esperantisto estas ankaŭ tiu persono, kiu uzas Esperanton ekskluzive por celoj praktikaj Z ➞ nur, sole.
2 eksterlasante la menciitan aferon aŭ limon: ni lernis ĝis la 9a ĉapitro ekskluzive la bileto validas por 20 tagoj ekskluzive je aŭ: de la dimanĉoj ➞ ekster, krom 1.
➞ inkluzive.
ekskluzivi tr eksterlasi ion kiel neakordigeblaĵon:ateismo ne ekskluzivas bonmorecon la prezo de la manĝo ekskluzivas la vinon la bileto estas nepre persona kaj ekskluzivas la transdonadon al alia persono ➞ escepti, forigi, kontraŭi, malpermesi; inkluzivi, allasi, enhavi.
ekskluziveco eco de io ekskluziva: filmo prezentata en ekskluziveco ekskluziveco de procedo
ekskluzivema deziranta fermi societon k.s. al aliaj personoj: ekskluzivema klubo ekskluzivema mondumo
ekskluzivemo inklino ekskluzivi: snoba ekskluzivemo
ekskluziviga ekskluzivanta unu el la ebloj: la Lingva Komitato donu al ni por tiu ĉi demando ian ekskluzivigan decidon Z
ekskluzivigi igi ion aŭ iun ekskluzivita el grupo aŭ el konsidero: diskriminacianto ekskluzivigas minoritatanojn RMo