PIV 2026 · Artikolo 4458

★fidela

Litero F★ Fundamenta

Derivaĵoj en la artikolo 9
  1. fidele
  2. fideli
  3. fidelaĵ/o
  4. fidelec/o
  5. fidelul/o
  6. malfidela
  7. malfidelec/o
  8. malfideliĝ/i
  9. malfidelul/o
★ fidela
1 plenumanta la faritajn promesojn kun konstanta akurateco kaj sindoneco; ne trompanta la konfidon: fidela servisto B fidela disĉiplo fidela edzino fidela partiano fidela hundo FE fidela sendito MT amiko fidela estas trezoro plej bela Z fidela al siaj kolegoj fidela al siaj principoj fidela estas Dio NT ➞ lojala, fidinda, sindona.
2 tenanta sian kredon malgraŭ la malfaciloj: Mi starigos por Mi pastron fidelan MT Vi trovis lian koron fidela antaŭ Vi MT venkos tiuj, kiuj estas vokitaj kaj elektitaj kaj fidelaj NT kiamaniere la fidela urbo fariĝis malĉastulino! MT
3 konforma al originalo aŭ al vero, ekzakta: fidela traduko fidela rakonto fidela raporto fidela memoro fidela bildo fidela portreto
fidele en fidela maniero: stari fidele ĉe siaj principoj fidele ripeti la komisiitajn vortojn mian religion mi plenumadis fidele Z
fideli konduti fidele: ne facilas la tasko de kronikisto, kiu volas fideli al la vero CPi
fidelaĵo ago aŭ parolo de fidela homo: fari fidelaĵon al iu MT
fideleco eco de iu aŭ io fidela: konservi fidelecon al iu ni ĵuras al vi fidelecon kaj obeadon ĝis la morto Z ringo, garantiaĵo de via fideleco Z fideleco de raporto fideleco de traduko fideleco de telekomunika transsendo ricevilo de alta fideleco magnetofono de alta fideleco
fidelulo
1 fidela persono: ne fidu fidelulon, fidu propran okulon Z li kunvokis siajn fidelulojn ho ve, ke vi ne sekvis la konsilon
De fidelulo! Z
2 fidela kredanto: miaj okuloj restas turnataj al la fideluloj MT muezino alvokas la fidelulojn al preĝo
malfidela
1 ne plenumanta siajn promesojn: malfidela servisto malfidela edzino LBe ➞ apostato, perfida.
2 ne konforma al la vero, al la originalo: malfidela traduko malfidela interpreto
malfideleco eco de iu aŭ io fidela: unu edzo konvinkiĝis pri malfideleco de sia edzino kaj komencis ŝin riproĉi FK
malfideliĝi iĝi malfidela: la kondukantoj de la esperantista movado neniam malfideliĝos al nia armeo Z
malfidelulo malfidela persono: malfidelulo, kie estas viaj ĵuroj? Z