PIV 2026 · Artikolo 4690
★forĝi
Derivaĵoj en la artikolo 10
★ forĝi tr
1 prilabori feron aŭ alian metalon per fajro kaj martelo: forĝanto de diversaj majstraĵoj el kupro kaj fero MT forĝu feron dum ĝi estas varmega Z ili forĝos el siaj glavoj plugilojn MT forĝi hufferon forĝi kradon forĝi kirason
2 (figurasence) elfari ion per propra penado: ĉiu kreas sian forton, ĉiu forĝas sian sorton Z el ĉiu el ili ŝiaj talentoj forĝi spiritan batalilon Z entreprenema kapo forĝas kaj plenumas planojn Z forĝi vorton
forĝa rilata al forĝado: li faris du kerubojn el oro; per forĝa laboro li faris ilin MT
forĝo, forĝado ago de forĝanto.
forĝebla tia, ke ĝi povas esti forĝata.
forĝejo loko, en kiu laboras forĝisto: (figurasence) fajrujo de universala scienco kaj forĝejo de plej noblaj pensoj ILa
forĝisto iu, kiu metie forĝas: venigi forĝiston, por trafajli la ferajn stangojn Z
alforĝi
1 fiksi ion al io per forĝado: alforĝi maningon al sabro
2 (figurasence) senmovigi iun ĉe iu loko; daŭre restigi iun: personoj alforĝitaj al la lito de morto Z malfacila malsano alforĝis lin baldaŭ al la ĉambro Z tiajn kanajlojn oni devus alforĝi al la galeroj Z stari kvazaŭ alforĝita al la loko Z alforĝi al si la rigardon de la patrino Z kiel serpentoj per sia rigardo magie alforĝas la birdojn, tiel tiuj paperetoj magie alforĝis al si la pupilojn de la virino Z ➞ alglui, enradikigi, fiksi, firmigi, hipnotigi, kateni.
elforĝi produkti ion per forĝado: elforĝi armaĵon Z
kunforĝi
1 kunigi ion per forĝado.
subforĝi = (prefere) hufferi.