PIV 2026 · Artikolo 5292
★gluo
Derivaĵoj en la artikolo 30
★ gluo duonlikva alfiksiĝema substanco uzata por fikse kunigi objektojn: gluo solvita en nafto FK la gluo kuntenanta la paĝojn estis iom tro avare uzita, tiel ke la lastaj folioj elfalis dum mia unua lego de la libro DBr ➞ amelgluo, farungluo, fiŝgluo; adheri.
glua rilata al gluo.
glui tr
1 iu fiksi unu objekton kun alia per gluo: la petanto gluas la marketon sur la leteron kaj tiamaniere atestas sian membrecon ILa gluu afiŝon sur tiun fenestron CRo Andreo sukcesis glui al la teko mikroskopan radioelsendilon CPi (figurasence) la egiptaj soldatoj, gluitaj al la deklivo de la monteto, komencis leviĝi B ➞ luti, mastiki.
2 gluo aŭ io glueca teni ion kune fiksita: la pluvo gluis la buklojn de liaj longaj haroj en ŝnurojn B la balotkarta koverta gluaĵo ne gluis bonorde, kelkaj kovertoj malfermiĝis WKl
gluado ago glui.
gluaĵi kovri ion per tavolo de gluaĵo: gluaĵi poŝtmarkojn almeti al la malantaŭo gluaĵon, kiu ebligos fiksi la poŝtmarkojn al letero aŭ simile post aktivigo de la gluaĵo li malsekigis la gluaĵon de la gluaĵita koverto, kaj poste glufermis ĝin
gluaĵo substanco, kiu ekhavas gluecan efikon post aldono de likvo, premo aŭ varmo.
glueca prezentanta la ecojn de gluo: rezino estas glueca gluecaj manoj de infano
gluiĝa gluiĝanta: (figurasence) mi vidas sub gluiĝa vesto La karnon malmolan KKa
gluiĝi fiksiĝi (kvazaŭ) per gluo: atendu, ĝis la peco bone gluiĝis la bandaĝo gluiĝis al la vunda loko
gluilo = (prefere) gluaĵo.
gluumi ŝmiri gluon sur ion por povi ĝin glui al io: gluumu la tabulojn kaj poste kungluu ilin la tapeto ne estis gluaĵita, kaj tial necesis ĝin gluumi por povi ĝin alfiksi al la muro
alglua LING aglutina: alglua lingvo
alglui
1 glui objekton al pli granda aŭ pli fortika: al pec’ pecon algluas, kiu neston konstruas Z li algluis la folion afiŝon post la fenestro Z alglui poŝtmarkon
2 LING aglutini 2.
algluiĝa ema algluiĝi: la algluiĝa forto ➞ adheri.
algluiĝi forte kuniĝi per si mem kun alia objekto: al mia mano algluiĝis makulo MT la sango algluiĝis al ĝi glavo Z io kote algluiĝas al la plandoj Z la peĉo algluiĝis tiel forte, ke ĝi restis neforigebla B mia lango algluiĝis al mia palato pro soifo MT
(figurasence) ŝiaj okuloj kvazaŭ algluiĝis al ĝi Z insulto ne algluiĝas Z ministro, kiu algluiĝas al sia posteno algluiĝi per sia tuta koro al tiu peco da tero Z algluiĝis lia animo al Dina MT
➞ alkroĉiĝi.amelogluo kuirita miksaĵo de amelo kaj akvo, kiun oni uzas por glui.
birdogluo viskeca substanco el la interna ŝelo de ilekso aŭ beroj de visko, uzata por kapti birdetojn.
farunogluo kuirita miksaĵo de faruno kaj akvo, kiun oni uzas por glui.
fiŝogluo gluo fabrikata el flosveziko de kelkaj fiŝoj.Sin. iĥtiokolo.
kunglui glui du objektojn, aŭ partojn de unu objekto, proksimume same grandajn: nia domo estis kungluita el argilo Z matene la palpebroj de la okuloj estas iom kungluitaj Z la randoj, kiujn oni volas kunglui FK kunglui du paperajn foliojn kunglui la rompitajn pecojn de porcelanaĵo
kungluo, kungluado ago kunglui: maso por kungluado de porcelano FK
kungluaĵo
1 io kungluita.
2 BELA BELE MUZI verko, en kiun estas enkondukitaj jam ekzistantaj heterogenaj elementoj, kiuj kreas surprizajn kontrastojn.
kungluiĝi fariĝi kungluita: la terbuloj kungluiĝas pro pluvo MT
kungluiteco stato de io kungluita: kungluiteco de la palpebroj pro kataro Z
malglui disigi objekton disde alia, al kiu ĝi estas gluita: malglui poŝtan markon
reglui denove alglui aŭ kunglui ion: pecon detranĉitan al la pano ne regluu Z
surgluaĵo glumarko: la kongresa glumarko estas ideala surgluaĵo por viaj kovertoj RE!
transgluebla tia, ke oni povas ĝin transmeti per gluado: transgluebla bildo
vinilgluo blanka gluo kutime uzata de lignaĵistoj.