PIV 2026 · Artikolo 4471

fiksi

Litero F

Derivaĵoj en la artikolo 14
  1. fiksa
  2. fikso
  3. fiksad/o
  4. fiksec/o
  5. fiksiĝ/i
  6. fiksil/o
  7. alfiksi
  8. fenestr/ofiksil/o
  9. kejlofiksi
  10. kunfiksi
  11. malfiksa
  12. malfiksi
  13. nitrogenfiksad/o
  14. prem1fiksi
fiksi tr
1 firme senmovigi ion per almeto de io, aŭ almetante ĝin al io: fiksi flagon ĉe fenestro fiksi ankron ĉe la fundo fiksi tabulon per najloj fiksi najlon en muro fiksi rompitan membron per bandaĝo kaptilo el ĉevalharoj, kiun kelkaj knaboj fiksis al branĉo Z ➞ alforĝi, alglui, alkroĉi, alligi, firmigi, najli; fiksangulo, fikspunkto.
1 Ne uzu fiksi en la senco de difini, precizigi aŭ ripari.
2 iom longe teni ion en unu direkto: ŝi fiksis scivolan rigardon sur la vizaĝo de Marta Z fiksitaj en la malplena spaco, ŝiaj okuloj Z kun fiksita rigardo Z fiksi sian atenton sur io fiksu siajn piedojn al ies postsignoj
3 fari ion neŝanĝebla aŭ konstanta: listoj da vortoj, pri kiuj ĝi la Lingva Komitato estos konstatinta, ke la vivo kaj kompetentula uzado fiksis por ili alian formon Z fiksi netuŝeblan fundamenton Z la formo de la lingvo estas jam fiksita por ĉiam Z vortarego kun karaktero oficiale fiksita kontraste kun «provizora» Z fiksita koloro inko aŭ farbo: ege stabila kontraŭ la ago de la suno
4 FOTO fari foton nedifektebla de lumo. ➞ bano 3, tonigi 2.
5 BIOL planto aŭ mikrobo uzi aerajn substancojn (ekz. CO2, N2), kombinante ilin en organikajn molekulojn: ĉiuj verdaj plantoj fiksas karbonon, sed nur kelkaj fiksas nitrogenon danke al simbiozaj bakterioj ➞ anaboligi.
6 BIOL mortifi kaj malmoligi vivulon aŭ parton de ĝi por konservado kaj eventuale tranĉado aŭ kolorigo.
fiksa
1 nemoveble enmetita aŭ lokita: fiksa stifto fiksa punkto fiksa astro (figurasence) fiksa ideo ➞ fiksideulo HVa
2 tenata en unu direkto: fiksa rigardo SPo li fikse rigardis lin, ĝis li hontiĝis MT rigardu al mi fikse en la okulon! Z al la preterpasantaj virinoj li rigardadis fikse en la vizaĝon Z
3 neŝanĝebla aŭ konstanta: festo okazanta je fiksa dato manĝi en restoracio kun fiksa prezo
fikso, fiksado ago de tiu, kiu fiksas: la kompetenta esploro kaj fikso de ĉiuj el la senlima multego da vortoj postulas multege da tempo kaj fortoj Z neniu diris eĉ unu vorton kontraŭ la fiksado de preciza fundamento por Esperanto Z
fikseco eco de io fiksa.
fiksiĝi iĝi fiksa: unu sceno fiksiĝis en la memoro B la ŝipo fiksiĝis en la glacikampo en ĉi tiu periodo fiksiĝis la ĵurnalisma lingvo TCa lia rigardo fiksiĝis al la diversaj objektoj FSz ➞ kojnumi.
fiksilo ilo por fiksi: fiksilo por ŝtrumpo fiksilo por fotoj fiksilo por haroj
alfiksi
1 fiksi 1: alfiksi al la muro florpotojn Z
2 (malofte) fiksi 2: la nura spektaklo de la pereanta urbo alfiksas la homan atenton LiZ
fenestrofiksilo aparato por fiksi fenestroklapojn en difinitaj pozicioj, kaj malhelpi ilin moviĝi pro la vento.
kejlofiksi fiksi maŝinelementon per kejlo.
kunfiksi fiksi objektojn unu al la alia: la ligno facile rompiĝis, kiam ili volis kunfiksi la diversajn partojn SEn
malfiksa ne firme tenata, kroĉita, ligita k.s.: malfiksa laĉo ➞ loza.
malfiksi fari, ke io ne plu estu fiksita: ŝi malfiksis la ĉeneton de la pordo kaj lasis lin eniri CPi ➞ malmunti.
nitrogenfiksado EKOL fiksado de atmosfera nitrogeno fare de bakterioj liberaj aŭ simbiozantaj kun plantoj, i.a. fabaco. ➞ nodeto 2.
prem1fiksi fiksi ion per premo: premfiksi glureklamilojn en ĉiovendejo CPi