PIV 2026 · Artikolo 4737

★fotografi

Litero F★ Fundamenta

Derivaĵoj en la artikolo 10
  1. fotografa
  2. fotografo
  3. fotografad/o
  4. fotografaĵ/o
  5. fotografil/o
  6. fotografist/o
  7. aerfotografad/o
  8. iks/o-fotografaĵ/o
  9. radi2/ofotografo
  10. telefotografi
★ fotografi tr FOTO registri bildon de io sur lumimpresebla emulsio aŭ ciferece sur datumportilo, ĝenerale per aparato (fotografilo), kiu traktas la bildon unupaŝe: la fotografisto fotografis min FE post kelka tempo mi intencas min fotografi Z fotografi pejzaĝon fotografi la tutan familion fotografi endomaĵon fotografi eksterdomaĵonSin. foti. ➞ fotografio, filmi, kodaki.
fotografa rilata al fotografado: fotografa ateliero fotografa filmo fotografa papero
fotografo, fotografado ago de fotografanto. Sin. fotado.
fotografaĵo bildo farita per fotografado: mi sendis mian fotografaĵon al mia patro FE por mi tre karan fotografaĵon de ĉiuj partoprenintoj mi ricevis Z kapti fotografaĵon momenta fotografaĵo Sin. ekfoto kolora fotografaĵo nigra-blanka fotografaĵo Sin. foto.
fotografilo fotilo.
fotografisto tiu, kiu okupiĝas pri fotografado: profesia fotografisto amatora fotografisto Sin. fotisto.
aerfotografado fotografado el aviadilo.
ikso-fotografaĵo fotografaĵo de la interno de korpo, precipe de la homa korpo, farita per ikso-radioj anstataŭ lumradioj.
radi2ofotografotranssendo de fotografaĵoj, faksimilaj desegnaĵoj, skriboj ktp pere de radio ② 1.
telefotografi fotografi malproksimajn objektojn per speciala aparato, kiu ilin tre grandigas.