PIV 2026 · Artikolo 4852

★frua

Litero F★ Fundamenta

Derivaĵoj en la artikolo 17
  1. frue
  2. frui
  3. fruaĵ/o
  4. fruec/o
  5. fruig/i
  6. malfrua
  7. malfrue
  8. malfrui
  9. malfruo
  10. malfruec/o
  11. malfruig/i
  12. malfruiĝ/i
  13. malfruiĝ/o
  14. plifruig/i
  15. sparkomalfruiĝ/o
  16. spark/o/malfruiĝ/o
  17. trofrui
★ frua
1 okazanta aŭ estanta antaŭ difinita aŭ kutima tempopunkto: frua morto fruaj fruktoj frua printempo frua aŭtuno
2 okazanta aŭ estanta en la komenca parto de iu tempospaco (mateno, tago, jaro, vivo k.s.) en la frua mateno en lia frua junaĝo la frua Renesanco
frue
1 antaŭ difinita aŭ kutima tempopunkto: la trajno alvenis tro frue ju pli frue, des pli certe Z horloĝo iris tro frue Z ne pli frue ol matene li venis hejmen Z la kara afero, kiu pli aŭ malpli frue venkos Z saluton al via tombo, tro frue mortinta amiko! Z kiu venas plej frue, sidas plej ĝue Z plej frue je la sesa! ➞ antaŭtempa.
2 en la komenca parto de iu tempospaco: frue matene MT kiu frue leviĝas, facile riĉiĝas Z frue leviĝu kaj frue edziĝu Z li foriris frue en la tago ŝi mortis frue ankoraŭ juna
frui ntr
1 okazi aŭ alveni frue: fruas la printempo fruas la legomoj
2 horloĝo montri ankoraŭ ne forpasintan tempon.
fruaĵo
1 io, kio okazas frue.
2 vegeta produkto, kiu maturiĝas antaŭ la kutima tempo, aŭ estas alportita de alia pli suda regionoantaŭ tiu tempo.
frueco eco de io frua: la frueco de lia inteligento estis mirinda
fruigi fari iun aŭ ion frua: fruigi la maturecon de fruktoj per artefarita prilumado fruigi sian poŝhorloĝon
malfrua
1 okazanta aŭ estanta post difinita aŭ kutima tempopunkto: malfruaj piroj kiuj maturiĝas post la ceteraj mi donos al via lando pluvon ĝiatempe, fruan kaj malfruan MT por malfrua gasto restas nur osto Z de edziĝo tro malfrua orfoj naskiĝas Z kion nun helpas tro malfruaj plendoj? Z
2 okazanta aŭ estanta en la fina parto de iu tempospaco: la malfrua Mezepoko la 15a jc li paŝadis tien kaj reen ĝis malfrua nokto Z
Sin. tarda.
malfrue
1 post difinita aŭ kutima tempopunkto: li ĉiam alvenas malfrue ĉe la rendevuoj tiuj, kiuj sidas malfrue ĉe vino MT pli bone malfrue, ol neniam Z kiu komencas tro frue, finas malfrue Z pri horloĝo iri tro malfrue Z ➞ dento, ideo, kato, momento, mustardo.
2 en la fina parto de iu tempospaco: estas jam malfrue en la tago malfrue vespere Z ili maturiĝas malfrue en Septembro
malfrui
1 okazi aŭ alveni malfrue: akurata homo neniam malfruas
2 horloĝo montri jam forpasintan tempon: la horloĝo malfruas kvin minutojn
malfruo tempo pasinta inter la momento, kiam io devus antaŭvidite okazi, kaj la momento, kiam ĝi efektive okazis: lia malfruo atingas 7 minutojn la trajno havas negravan malfruon
malfrueco eco de io malfrua: la malfrueco de la rikoltoj la malfrueco de lia adoleskiĝo
malfruigi
1 fari ion aŭ iun malfrua: la malbona vetero malfruigis la rikoltojn tiu akcidento malfruigis nian alvenon
2 fari, ke horloĝo malfruu. ➞ prokrasti.
malfruiĝi
1 lasi sin esti malfrua: malfruiĝi al la tagmanĝo Z en aŭtuno ĉiuj hirundoj flugas al la varmaj landoj; se iu el ili malfruiĝas Z ➞ limaki, malrapidi.
2 senpersone esti malfrue: jam malfruiĝis
malfruiĝo
1 ago malfruiĝi aŭ ties rezulto: ĉiu malfruiĝo ĉe la pagado ĉesigos la liveradon
2 stato de io, kio funkcias ne laŭ la normala rapido sed malpli rapide: la horloĝo montras malfruiĝon
3 stato de iu, kies kapabloj evoluas pli malrapide ol normale: intelekta malfruiĝo ofte okazas ĉe infanoj trafitaj de la sindromo de Down
plifruigi fari, ke io okazu pli frue: per tio mi nur plifruigus mian pereon Z
sparkomalfruiĝo, sparkomalfruiĝo malfrusparkado.
trofrui okazi aŭ alveni tro frue.