★glav/o

1 Ĝenerala nomo de ĉiuj manuzeblaj hak- aŭ pik-bataliloj konsistantaj el longa klingo k mallonga tenilo: kiu kaptas la glavon, tiu pereos per la glavo ^Z; tiri ^Z, eltiri ^X, nudigi ^X, ingigi, elingigi ^Z la glavon; krucigi la glavojn (en duelo); ĵuru sur la glavo! ^Z; glavo vin ekstermos ^X; glavo falu sur la Ĥaldeojn! ^X; mi venis, por enkonduki ne pacon, sed glavon ^N. ☞ flambergo, rapiro, sabro, spado, ponardo, bajoneto. ➞ glavobati, glav(o)faristo, glavofrapo, glavopiki.

2 Tiu objekto, kiel simbolo de sindefendo aŭ atako: la lango de virino estas ŝia glavo ^Z; ricevu la kaskon de savo k la glavon de la Spirito ^N; la glavo de la Leĝo.