PIV 2026 · Artikolo 6613

★inspiri

Litero I★ Fundamenta

Derivaĵoj en la artikolo 4
  1. inspiro
  2. inspirad/o
  3. inspiriĝ/i
  4. inspirit/ec/o
★ inspiri tr
1 estigi penson, planon aŭ agon en la menso de alia persono: Joab inspiris al ŝi, kion ŝi devas diri MT inspiri al iu temon por literatura verko eĉ el malliberejo li inspiris siajn fidelulojn tiun esprimon inspiris al li lia gepatra lingvo jen la principoj, kiuj inspiris la komitaton mia opinio ne estas inspirata de blinda simpatio ili krias pri iaj maskitaj inspirantoj Z inspirita artikolo prezentanta la opinion de influa persono ➞ dikti, sugesti.
2 estigi senton en ies koro: inspiri al iu amon inspiri al iu respekton inspiri al iu timon inspiri al iu kuraĝon inspiri al iu ĝojon inspiri al iu bedaŭron mi per mia beko inspiras al ili estimon kaj singardecon Z ➞ sentigi.
3 naski poezian aŭ religian entuziasmon en ies animo: min io el supre inspiris Z antikvaj grekoj kredis ke Muzoj inspiras la poetojn la de Dio inspirita virgulino de Francujo Z (figurasence) lerta kaj inspirita mano de talenta desegnisto Z
Sin. animi 3.
inspiro ago de iu aŭ io inspiranta: agi laŭ ies inspiro la dia inspiro la popolkantoj estas la ĉefa fonto de lia inspiro
inspirado daŭra inspiro: la komitato laboris sub la konstanta kontrolado kaj inspirado de Zamenhof
inspiriĝi tiri inspiron: inspiriĝi el siaj legaĵoj inspiriĝi el ies ekzemplo inspiriĝi de la antikva greka stilo
inspiriteco stato de iu aŭ io inspirita: la katolika dogmo de la Dia inspiriteco de la Biblio