PIV 2026 · Artikolo 8136
★komforto
Derivaĵoj en la artikolo 5
★ komforto ĉio, kio igas la vivadon pli facila, la loĝadon pli oportuna, la hejmon pli ripoziga; ĉio, kio malpliigas penon kaj laciĝon en la ĉiutaga vivo: la komforto ne ĉiam kuniĝas kun la lukso al la patrino havigi ian negrandan komforton Z ➞ butero, forno, sate.
komforta io provizita je komforto aŭ haviganta komforton: komforta domo komforta seĝo komforta vagono komfortaj vivcirkonstancoj konservi komfortan trankvilecon Z
komforte en komforta maniero: komforte sidi komforte kuŝi tie la kampa muso loĝis ŝirmite kaj komforte Z senti sin komforte ➞ hejme, oportune.
komfortaĵo konkreta afero, kiu havigas komforton: la loĝantoj rajtis instali la modernajn komfortaĵojn RPy manku al vi nenio el tiuj komfortaĵoj, al kiuj vi kutimis de la infaneco LiZ
malkomforta, senkomforta prezentanta nenian komforton: malgranda senkomforta liteto Z limako alkroĉiĝis al ŝiaj haroj . Estis tre malkomforte Z