PIV 2026 · Artikolo 11376

★oportuna

Litero O★ Fundamenta

Derivaĵoj en la artikolo 11
  1. oportune
  2. oportuno
  3. oportunaĵ/o
  4. oportunec/o
  5. oportunism/a
  6. oportunism/o
  7. oportunist/o
  8. maloportuna
  9. maloportuni
  10. maloportunaĵ/o
  11. maloportunec/o
★ oportuna
1 facile uzebla pro bona adaptiĝo al sia destino: oportuna tenilo B oportuna brakseĝo Z oportuna formo de glaso oportunaj ŝuoj oportunaj bluzoj oportuna sistemo de korespondado
(figurasence) la vojaĝo fariĝis pli oportuna, ĉar ili trovis la eblon veturi Z esprimado longa estas efektive afero ne oportuna Z la artikolo estas oportuna sed ne necesa FE doni al vorto formon pli oportunan Z aliaj esprimoj montris sin ne oportunaj kaj ne enfortikiĝis Z el la ekzercoj de la bonaj faroj li povas fari oportunan veston Z
➞ alcela, konvena, praktika, taŭga.
1 Tiu senco de oportuna estas malpli ampleksa ol la signifo de komforta: estas oportunaj nur apartaj simplaj objektoj, dum komfortaj povas esti vivo, aranĝo ktp; ekz. fontoplumo estas oportuna, sed ne komforta. Cetere oportuna estas pli objektiva (la oportuneco dependas de la pli aŭ malpli granda taŭgeco de la objekto), komforta estas pli subjektiva (la komforteco dependas de la humoro, de la animstato de la uzanto).
2 faciliganta ian agon aŭ faron pro sia ĝusta konveneco: mi atendos , ĝis venos tempo pli oportuna Z aĝo maljuna ne estas oportuna Z mi trovos oportunan okazon, por klarigi la aferon publike Z la regularo de la Ligo estas multe pli oportuna al la konservativuloj ol al la progresistoj Z viroj estas por la posedantoj de magazenoj homoj tre oportunaj kaj utilaj Z por mi persone estus multe pli oportuna oportune teni la sorton de l’ lingvo internacia en miaj manoj Z ➞ favora.
oportune en oportuna maniero:
1 subtenante la kruĉon, por ke la virino povu trinki pli oportune FE oportune sidi sur sofo pendanta tabuleto, kiu povis tre oportune esti levata, por meti sur ĝin la preĝolibron Z vi alkondukos ĉi tien vian infanon, estos al ĝi varme kaj oportune Z fari al si oportune aranĝi sin komforte Z tiel sen ĉapelo estas por mi pli oportune Z
2 estus oportune, se ni povus buŝe interparoli pri tio se por li estas oportune, mi estas preta Z
oportuno favora okazo: tiu ekspozicio estas oportuno por elmontri la utilecon de nia lingvo ia Katilina, kiu pro persona gloramo aŭ oportuno volas fari renversojn Z
oportunaĵo io oportuna: li senĉese inventas diversajn oportunaĵojn por faciligi al si la vivon
oportuneco eco de io oportuna:
1 la oportuneco de tia maŝino estas duba ricevinte de vi leteron kaj kompreninte ĝin, kvankam li la lingvon ne lernis, via adresito vidos praktike la oportunecon de l’ lingvo Z
2 mi ne vidas la oportunecon de tiu klopodo, se vi estas certa malsukcesi direktoro de teatro devas ankaŭ pensi pri la oportuneco de sia publiko Z ne pro mia oportuneco mi forrifuzis la ĉefecon Z agu laŭ via oportuneco
oportunisma rilata al oportunismo: rabemaj, oportunismaj feŭdaj baronoj WSi ne maloftis vandalismo kaj oportunisma ŝtelado JLe
oportunismo sistema ekspluatado de avantaĝaj cirkonstancoj, ofte senmorala kaj senprincipa: la du fratinoj parolante pri la kuiriloj malkovrus la oportunismon de ties kompleza vendisto! CRo pro oportunismo la popolo finfine decidis tiel voĉdoni, subtenante la flankon, kiu aperas pli forta ZTi ni sincere (ne nur laŭbuŝe pro oportunismo aŭ «politika ĝusteco») aprezas la kernan valoron de la lingva diverseco JAV
oportunisto adepto de oportunismo: Napoleono debutis kiel senprincipa oportunisto WSi ➞ karieristo.
maloportuna
1 malfacile uzebla pro misadaptiĝo al sia destino: maloportuna fontoplumo maloportuna klasifiko oni devas distingi la agrablajn iluziojn de disde la maloportunaj B
2 malfaciliganta agon aŭ sukceson pro nekonveneco: tio ne povis okazi en pli maloportuna tempo jen vere maloportuna demando!
maloportuni
1 ntr esti maloportuna: tiom granda poŝtelefono tute maloportunas OE
2 tr ĝeni iun: tiam mi vin ne pli longe maloportunos FK
maloportunaĵo io maloportuna: ŝin ĉagrenis la maloportunaĵoj de tiu vojaĝo en provincon
maloportuneco eco de io maloportuna: la maloportuneco de la cirkonstancoj malhelpas nin plenumi nian programon