PIV 2026 · Artikolo 11397
1★oranĝo
Derivaĵoj en la artikolo 6
1 ★ oranĝo BOTA frukto de oranĝarbo; bero globa aŭ preskaŭ globa, de ruĝe flava ĝis malhele ruĝa, kies ŝelo estas relative facile disigebla de la manĝebla, dolĉa kaj sukplena karno. ➞ bigarado, citrono, mandarino; oranĝoflora akvo.
oranĝa
1 konsistanta el oranĝo(j): oranĝa siropo oranĝa marmelado
oranĝarbo, oranĝujo citrusarbo hibrida, origine el orienta Azio, kultivata en sufiĉe varmaj regionoj; el la floroj kaj el la ŝeloj de la fruktoj oni ekstraktas esencon. specio Citrus × sinensis Sin. ĉina citrusarbo.
oranĝejo loko, kie oni kultivas oranĝarbojn.
amara oranĝo, maldolĉa oranĝo iu el diversaj oranĝoj kun amara aŭ acida gusto, el kiu oni ekstraktas tre acidan iom amaran pulpon uzatan por konfitaĵoj kaj amaraj trinkaĵoj; la arbo estas uzata por grefta bazo. ➞ bigarado.