PIV 2026 · Artikolo 12063
★permesi
Derivaĵoj en la artikolo 10
★ permesi tr
1 iu konsenti, ke iu libere faru ion: permesu al mi kisi vian manon Z lia koro ne permesis al li forlasi la afliktitinon Z mi devos permesi, ke ili parolu al mi «ci» Z permesu al malriĉa homo, ke li ion petu de vi Z permesi al si preni mem la rajton la reĝo dormas kaj oni ne povas permesi al si veki lin Z kio do fariĝus des pli al ni, se ni tion permesus al ni ! Z sub ĉi tiu saliko la infanoj ludadis, kaj tio estis permesata al ili Z ŝi ne sciis, ke kio estas permesata al Jupitero, ne estas permesata al bovo Z se la vorto «ero» estas plene permesata, ĝi kompreneble ne estas deviga Z ni sopiras ĝis tiu momento, kiam estos al ni permesite Z ne estas al ni permesite rabi Z
2 io ne malhelpi, ke iu faru ion: la regularo permesos ke Z la sorto ne permesis al li tion ĉi fari Z malgranda pupa teatro, kiu, kiom la cirkonstancoj tion permesis, estis aranĝita por ludo Z
permeso ago aŭ vortoj de iu, kiu permesas: peti la permeson fari ion doni la permeson fari ion Z se prosperos al vi atingi la permeson de la Ministro Z li eldevigis la permeson mian Z profiti la permeson fari ion uzi la permeson fari ion persono, kiu publikigas mian verkon ne demandinte mian permeson! Z permeso havi kun si malgrandan nevinon Z ricevi la permeson montri la birdon Z la permeson, ke ni povas eniri senpage, donis la direktoro mem ŝi petis la permeson, ke ŝi aspergu la popolon Z
permesebla tia, ke oni povas tion permesi: permesebla malobservo permesebla proceduro
permesilo dokumento, per kiu la posedanto povas pruvi sin permesita fari ion: li certe donos al mi permesilon por promeni dumnokte ĉe l’ bordoj de la Seille RSc se oni kreas novan verkon surbaze de tiu ĉi verko, oni devas submeti ĝin al la sama permesilo ZVD ➞ rajtigilo.
forpermesi permesi al iu foriri: la reĝo forpermesis la ambasadoron li definitive forpermesis ĉiujn siajn servistojn
forpermeso
1 permeso foriri: miaj amikoj, mi prenas de vi forpermeson ĝis la vespero Z ➞ ellasi, forliberigi.
2 ĉe servisto aŭ funkciulo permeso forlasi por difinita tempo la servon aŭ la oficon: soldato en forpermeso ➞ ferio, libertempo.
malpermesi
1 iu rifuzi aŭ ne konsenti, ke iu libere faru ion: ni ne povas malpermesi al li nomi sin Esperantisto Z voli aŭ ne voli neniu malpermesas Z kiu do malpermesas, ke la esperantistoj mem ĝin reorganizu? Z la vorton «privata» kelkaj klarigis en la senco de «malpermesata» Z teorie la kombinado de «da» kun «la» ne estas malpermesata Z paroli pri reorganizo de la Komitato ne estas malpermesite Z estis malpermesite eniri en la pordegon de la reĝo MT frukto malpermesita estas plej bongusta Z
2 io malhelpi, ke iu faru ion: la teorio ne malpermesas al ni uzi la vorton Z kion leĝo malpermesas, tio plaĉi ne ĉesas Z se inter ili gentoj ne starus muroj, kiuj malpermesas al ili libere komunikiĝadi inter si Z
malpermeso ago kaj vortoj de iu, kiu malpermesas: malobei malpermeson transpaŝi malpermeson la malpermeson, ke vi ne trinku alkoholaĵon, vi ne atentis! la netuŝebleco de la Fundamento en senco de malpermeso de rompado Z
paspermeso dokumento, per kiu ŝtata aŭ militista instanco permesas al iu pasi tra malpermesita regiono, tra kordono de trupoj k.s.
stirpermeso JURO VETU permeso stiri veturilon, ordinare sur publikaj vojoj.
stirpermesilo JURO VETU dokumento, per kiu oni povas pruvi, ke oni havas stirpermeson: renovigi sian stirpermesilon RPi