PIV 2026 · Artikolo 12249
pirato
pirato
1 JURO MARN mara rabisto: la ŝipon ekkaptis kaj forrabis anglaj piratoj, kaj la ŝipanaron ili ĵetis en la maron SSz ekspedicio kontraŭ la piratoj de Tuniso Tunizo FK ➞ kaperi, korsaro.
pirata rilata al pirato(j): pirata trezoro
(figurasence) pirata radiosendilo ne obeanta la internaciajn akordojn pirata eldono farita sen la konsento de la aŭtoro aŭ de la rajtohavantoj
pirate laŭ pirata maniero: la verko aperis pirate
pirati agi kiel pirato: pirati ies plum-frukton sen ties permeso kaj poste eĉ nei sian misfaron estas konduto duoble neakceptebla OE la rusa registaro piratis retmesaĝojn kaj manipulis la sociajn retojn MD
piratado ago de pirato: li vivtenis sin per piratado SSz la somalianoj de Puntlando forlasis fiŝkaptadon kaj sin turnis al piratado MD
aerpirato homo, kiu kontraŭleĝe kaj propracele kaptas aviadilon dumfluge: la arestitino, edzino de aerpirato, kiu flugigis japanan aviadilon al Norda Koreio IgT/PGu
ret1pirato homo, kiu uzas komputilan reton por senrajte havigi al si datumojn, disvastigi malicajn programojn aŭ ataki la reton mem: atako de nekonataj retpiratoj malfunkciigis la infrastrukturon WKl/RKl ➞ kodrompisto.