pozici¹o

1 Maniero, en kiu objekto aŭ persono okupas spacon: la avino troviĝis en sidanta pozicio en la veturilo ^Z; ili staras ĉe la fenestro en samaj pozicioj ^Z; stara, sida, kuŝa, genua, genukubuta, ventra pozicio; neĝusta pozicio de skribanto; la pozicio de la piedoj dum la dancado; Λ buŝpozicio (interrilata pozicio de la buŝorganoj, ĉe iu momento de la parolo).

2 Loko, okupita en la socio, hierarkio ks: tio estas ja pozicio, per kiu oni estas akceptata en la korporaciojn k fariĝas burĝo ^Z; mi estis en dubo, kian pozicion en la vivo ili povis okupi ^Z; personoj, kiuj okupas elstarajn poziciojn en la movado; tio estas malfacila por persono en mia pozicio. ☞ ofico, rango, situacio.

3 ⚔ Loko, kie trupo aŭ armeo estas postenigita por strategiaj celoj: niaj pozicioj estis hieraŭ bombarditaj; milito de pozicioj.

4 Λ Maniero, laŭ kiu vokalo troviĝas en silabo: vokalo mallonga pro pozicio (ekz. antaŭ du konsonantoj).