PIV 2026 · Artikolo 13218

reakcio

Litero R

Derivaĵoj en la artikolo 9
  1. reakcia
  2. reakcii
  3. reakciant/o
  4. reakciig/i
  5. reakciul/o
  6. ĉenreakcio
  7. polimeraz/a ĉenreakcio
  8. kolorreakcio
  9. redukt/oreakcio
reakcio
1 POLI politika agado de konservemuloj, kontraŭstaranta al la demokrataj progresemaj partioj kaj celanta revivigi la pasintan staton de la aferoj sociaj kaj politikaj. ➞ blanka, dekstra.
2 BIOL organisma ago celanta estigi efikon kontraŭan al la efiko de la trafinta ago: reakcio de ĉelo je varmigo (figurasence) ĉi tiu profunde hontiga penso vekis en ŝi reakcion de la spirito Z Sin. kontraŭa reago. ➞ reago, retroago, retroreguligo.
3 KEMI efiko de substanco, kiu agas sur alian, kun kiu ĝi estas miksita. Sin. reago.
4 FIZI kontraŭa ago, per kiu ĉiu materia punkto kompensas la agon de la forto aganta kontraŭ ĝi: la ago kaj la reakcio estas egale grandaj kaj inversdirektaj
5 TEKN antaŭenmovo estigita sen meĥanika perilo (kiel rimenoj, radoj ktp), sed per forta interna antaŭenpuŝo de gasoj malantaŭen elĵetataj.
reakcia rilata al reakcio:
1 reakcia partio
2 reakcia rapideco
3 reakcia varmo
4, 5 reakcia aviadilo ➞ jeto
reakcii ntr montri reakcion. Sin. reagi 3.
reakcianto KEMI substanco uzata pro siaj ĥemiaj ecoj por ekscii, ĉu difinita substanco troviĝas en iu miksaĵo aŭ kombinaĵo. Sin. reaganto.
reakciigi kaŭzi reakcion en miksaĵo aŭ kombinaĵo por konstati la ĉeeston de iu substanco: reakciigi per kupro ➞ analizi.
reakciulo homo kun reakciaj tendencoj aŭ aktiveco. ➞ dekstrulo, faŝisto.
ĉenreakcio KEMI procedo, ĉe kiu unu reakcio kaŭzas tuj plian reakcion ktp.
polimeraza ĉenreakcio KEMI procedo, kiu ebligas krei multegajn kopiojn el malgranda kvanto de DNA. mallongigo: PĈR Kubo baldaŭ posedos teknologion sufiĉan por plenumi siajn proprajn PĈR-testojn (testojn per polimeraza ĉenreakcio) JCM ➞ polimerazo.
kolorreakcio KEMI reakcio, ĉe kiu la estiĝanta koloro pruvas la ĉeeston de serĉata substanco.
reduktoreakcio KEMI oksido-reduktiĝo.