PIV 2026 · Artikolo 2915
★dekstra
Derivaĵoj en la artikolo 23
★ dekstra
1 korpoparto, vestoparto k.s. troviĝanta ĉe la flanko kontraŭa al tiu de la koro: la dekstra mano estas ordinare la pli lerta en la mezo de la vojo Stetten sin turnis al la dekstra flanko FK mia dekstra mano etendis la ĉielon MT se via dekstra okulo faligas vin, elŝiru kaj forĵetu ĝin NT al tiu, kiu frapas vian dekstran vangon, turnu ankaŭ la alian NT dek miloj ĉe via dekstra flanko MT mi perdis mian dekstran orelringon mi vidas makulon de keĉupo sur via dekstra maniko
2 objekto aŭ loko troviĝanta kontraŭ aŭ apud ies dekstra 1 flanko, el ties vidpunkto: vi supreniros ĝis la dua etaĝo, dekstra koridoro HVa en la kameno, okupanta la tutan dekstran flankon, flamis klara fajro HVa en la dekstra tablokesto kuŝas kelkaj leteroj SEn
3 POLI rilata al la dekstro 2: la du ĉefaj partioj prezentis dekstrajn platformojn PGu dekstra partio dekstra politiko
dekstre ĉe la dekstra flanko: la akvo estis por ili muro dekstre kaj maldekstre MT Kristo sidas dekstre de Dio NT
dekstren al la dekstra flanko: se vi iros dekstren, mi iros maldekstren MT dekstren! i.a. militista ordono
dekstro
1 dekstra flanko.
2 POLI konservativaj kaj reakciaj partioj. ➞ maldekstro 2, centro 5.
dekstrema POLI inklinanta al konservema partio kaj ideologio: la dekstrema konservativa partio kaj la teorie maldekstrema sed efektive dekstremeta laborista partio PGu
dekstrigi TIPO aranĝi tekston tiel, ke la dekstra rando estu glata, sed ne la maldekstra: dekstrigitaj subtitoloj Sin. dekstrarandigi. ➞ centrigi, rektigi.
dekstrulo
1 iu, kiu kutime uzas la dekstran manon por skribi, labori ktp. Sin. dekstramanulo.
2 POLI ano aŭ samideano de dekstra partio.
dekstrularo POLI la tuto de la homoj kun dekstraj opinioj.
dekstruma
1 TEKN helico aŭ ŝraŭbo antaŭeniĝanta, se turnate horloĝdirekte.
2 BOTA grimpoplanto pro kresko turniĝanta aŭ volviĝanta horloĝdirekte, rigardate de la radikoj, tiel formante kvazaŭ dekstruman helicon. Sin. dekstrenvolviĝa.
1 La evitinda botanika termino dextrorsum sinonimas al maldekstruma.
3 ZOOL volviĝanta simile kiel dekstruma helico: la konkoj de moluskoj povas esti dekstrumaj aŭ maldekstrumaj
4 GEOL horizontala faŭlto tia, ke observanto fronte al la faŭlto vidas la kontraŭan disigitan flankon relative moviĝi dekstren.
Sin. dekstrenvolviĝa.ambaŭdekstra iu kutime uzanta indiferente la dekstran aŭ la maldekstran manon por labori, skribi ktp.
centra-dekstra POLI pli reakcia kaj naciisma ol la centro 5, sed malpli ol partio ekstremdekstra.
centra-maldekstra POLI malpli reakcia kaj naciisma ol la centro 5, sed pli ol partio ekstremmaldekstra.
dedekstra rilata al venanto de la dekstra flanko: dedekstra pasrajto
ekstremdekstra POLI plej reakcia kaj naciisma: lia manifesto konsistas grandparte el citaĵoj de ekstremdekstraj ideologoj DDr ➞ faŝismo.
ekstremmaldekstra POLI plej revoluciema: malgrandaj politikaj partioj, kiel la ekstremmaldekstra (Ruĝa) aŭ la ekologia (Verda) DDr
maldekstra
1 korpoparto, vestoparto k.s. troviĝanta ĉe la flanko de la koro: la patro tenis la ĉevalon per la maldekstra mano B sur sia maldekstra brako li portis ŝafeton SEn en lia maldekstra poŝo troviĝis la pasporto Z ne povantaj distingi inter sia dekstra mano kaj sia maldekstra MT
2 objekto aŭ loko troviĝanta kontraŭ aŭ apud ies maldekstra 1 flanko, el ties vidpunkto: subite el maldekstraj arbetaĵoj ombro eliris, kaj eksplodis pafo HVa la maldekstra flanko de la domo MT sur la maldekstra bordo situas la brulanta urbo SJo
3 POLI rilata al la maldekstro 2: kverelado inter dekstra kaj maldekstra partioj KJu maldekstra movado maldekstra revuo maldekstra organizaĵo
Sin. liva.maldekstre ĉe la maldekstra flanko: kaj li starigos la ŝafojn dekstre de li, kaj la kaprojn maldekstre NT
maldekstren al la maldekstra flanko: ne dekliniĝu dekstren nek maldekstren MT
maldekstro
1 maldekstra flanko.
maldekstrema POLI inklinanta al progresema partio kaj ideologio: la plimulto montras sin pli maldekstrema ol kutime en ĉi tiu tradicie konservativa, katolika, malradikala nacio GMc
maldekstrigi TIPO aranĝi tekston tiel, ke la maldekstra rando estu glata, sed ne la dekstra. ➞ alkadrigi, dekstrigi.
maldekstrulo
1 iu, kiu kutime uzas la maldekstran manon por skribi, labori ktp. Sin. maldekstramanulo.
2 POLI ano aŭ samideano de maldekstra partio.
Sin. livulo.maldekstrularo POLI la tuto de la homoj kun maldekstraj opinioj.
maldekstruma
1 TEKN helico aŭ ŝraŭbo antaŭeniĝanta, se turnate kontraŭhorloĝdirekte.
2 BOTA grimpoplanto pro kresko turniĝanta kontraŭhorloĝdirekte, rigardate de la radikoj, tiel formante kvazaŭ maldekstruman helicon. Sin. maldekstrenvolviĝa.
2 La evitinda botanika termino senestrorsum sinonimas al dekstruma.
3 ZOOL volviĝanta simile kiel maldekstruma helico: la konkoj de moluskoj povas esti dekstrumaj aŭ maldekstrumaj
4 GEOL horizontala faŭlto tia, ke observanto fronte al la faŭlto vidas la kontraŭan disigitan flankon relative moviĝi maldekstren.
Sin. livuma, maldekstrenvolviĝa.