PIV Reta Vortaro

PIV · 13349

ren/o

1 (ren) Organo, ĝenerale para, troviĝanta en la abdomena kavo de la vertebruloj, k servanta por elfiltri konsistaĵojn de urino el la sango: ablacio de unu reno; ŝvebanta reno (kies ligamentoj loziĝis). nefro, kalkuluso, litiazo.

2 Tiu sama organo de besto, uzata kiel manĝaĵo: trapikitaj bovidaj renoj.

rena. Rilata al reno: rena arterio; renaj piramidoj (formantaj la renan medolan substancon).

artefarita reno Dializa aparato, ekstera al la organismo, kiu purigas la sangon okaze de iuj afekcioj aŭ de manko en la funkciado de la renoj; la sango estas deprenata de iu arterio k, post cirkuligo laŭ duontralasa membrano, rekondukata al vejno de la paciento.

renaĵo Manĝaĵo, farita el reno 2: fritita renaĵo kun bambuŝosoj k kapsikoj. hepataĵo.

renino Enzimo, sekreciata de la reno, kiu partoprenas en la reguligo de la arteria tensio.

surrena Troviĝanta sur la reno: surrena glando (endokrina, formita de kortiko k medolo: gl. suprarenalis).

kortikosurrena Rilata al la kortiko de la surrena glando: kortikosurrena hormono. steroida hormono.