PIV 2026 · Artikolo 1444
aŭtomato
Derivaĵoj en la artikolo 6
aŭtomato
1 meĥanikaĵo, kiu ŝajnas agi propramove, kvazaŭ ĝi estus vivanta estaĵo: precizaj aŭtomatoj zorgas eviti la karambolojn, plenumi la regulitan rapidecon kaj la vojaĝtempon SSz oni konstruis ŝakludantan aŭtomaton
2 TEKN aparato, kiu, funkcianta per meĥanismo, liveradas difinitan varon, informon ktp. ĉiufoje, kiam oni enŝovas en ĝin la taŭgan moneron, disketon aŭ karton: la aŭtomato elkraĉis al mi en la manojn la biletojn VVa disdona aŭtomato por cigaredoj disdona aŭtomato por bombonoj la hordonanta aŭtomato de la Pariza Observatorio ➞ bankaŭtomato.
3 KOMP abstrakta meĥanismo, kiu ŝanĝas sian staton kaj legas kaj skribas signojn laŭ iaj reguloj: finia aŭtomato nefinia aŭtomato staka aŭtomato turinga aŭtomato
aŭtomata
1 funkcianta per meĥanismo sen homa direktado: vizitantoj iras por sin distri per aŭtomataj ludmaŝinoj CRo per aŭtomata ŝtuparo malsupreniĝis SSz aŭtomata horloĝo Sin. memmova.
2 (figurasence) farata kvazaŭ meĥanike, sen influo de konscia volo: ĉiu konkreta religio, kia ajn ĝi estas, herediĝas senfine en maniero aŭtomata EPr kolektis la farunon per aŭtomata gesto ALö tio fariĝis por li ia aŭtomata laboro aŭtomate ripeti ion aŭditan ŝi sin apogis aŭtomate sur lia brako
aŭtomateco karakterizaĵo de io aŭtomata.
aŭtomatigi funkciigi ion per meĥanismo. ➞ aŭtomacio.
bankaŭtomato aŭtomato, ĉe kiu havanto de banka konto povas i.a. preni monbiletojn kaj konteltirojn kaj ĝiri 1 al aliaj kontoj: ĉu la bankaŭtomatoj estos nur mondistribuiloj, aŭ ĉu eblos ankaŭ mondeponoj kaj bazaj transakcioj? RRo
diskaŭtomato aŭtomato kun kolekto de diskoj (ordinare muzikaj), kiujn oni povas ludigi per butonpremo, kaj kiu ordinare ankaŭ postulas enŝovadon de monero. Sin. diskogurdo.
duonaŭtomata parte aŭtomata: duonaŭtomata tekstotradukado OE duonaŭtomataj armiloj JAl