PIV 2026 · Artikolo 14627

★spezo

Litero S★ Fundamenta

Derivaĵoj en la artikolo 12
  1. spezi
  2. antaŭspezo
  3. elspezi
  4. elspezo
  5. elspezem/a
  6. elspezig/a
  7. enspezi
  8. enspezo
  9. enspezar/o
  10. enspezig/a
  11. labor/enspezo
  12. send/elspezo
★ spezo EKON operacio, per kiu monsumoj estas transigataj de unu kaso al alia, de unu konto al alia k.s.:komercaj komunikiĝoj, kiuj prezentas la spezon de centoj da milionoj da markoj ĉiujare Z la taga spezo de tiu komercejo atingis milionon da frankoj tio egalis la spezon por unu horo de milito aŭ unu batalŝipo EPr ĉiu spezo devas esti montrita duloke en la libroj ➞ spezimposto, spezkapitalo.
spezi tr transigi sumon de unu konto en alian ktp: mi hodiaŭ spezis du cent markojn en vian zurikan bankon, je via konto (analoge) grandvalora monero, per kiu oni povas majstre brokanti, se oni scias bone ĝin spezi Z
antaŭspezo sumo, kiun oni spezas provizore antaŭ la definitiva konkludo de negoco.
elspezi pagi sumon: ili jam elspezis multe da mono por la riĉigado de la Esperanta literaturo Z por pagi tiun personaron UN elspezis 6,700.000 dolarojn en 1968 ILa ŝi elspezis mil frankojn por tiu balrobo virino, kiu elspezis sian tutan havon por kuracistoj NT li elspezis por tio ĝis sia lasta groŝo (figurasence) ne valoras la penon elspezi tempon kaj monon por pentri tian vizaĝon FDi
elspezo tio, kion oni elspezas: etaj elspezoj de la vojaĝo ĝi havu la garantion, ke ĝiaj elspezoj ne estos tute perditaj Z al vi li nun farus plu neniajn elspezojn Z li promesis pagi ĉiujn elspezojn de la eldonado (figurasence) tio estas vana elspezo de energio kaj tempo
elspezema inklina facile elspezadi.
elspeziga tia, ke ĝi okazigas sufiĉe altajn elspezojn: elspeziga entrepreno elspeziga ekspedicio
enspezi ricevi monon: vian ĉekon mi enspezis nur hieraŭ mi enspezis mian salajron pli facile estas multon elspezi, ol malmulton enspezi Z
enspezo tio, kion oni enspezas: tro da enspezo ne estas tro da pezo Z la enspezoj de mia kuracista praktiko estis terure malgrandaj Z pligrandigi siajn enspezojn Z miaj enspezoj tute ne kovradis miajn elspezojn Z (proprasence kaj figurasence) vivi de estontaj enspezoj Z riĉigas ne enspezo, sed prudenta elspezo Z
enspezaro tuta sumo, kiun iu persono, firmao k.s. enspezas en difinita tempo: deklari al la impostisto sian enspezaron la jara enspezaro de la nacio malneta enspezaro neta enspezaro
enspeziga tia, ke ĝi okazigas sufiĉe bonajn enspezojn: oni proponis al li oficon de kuriero, kio promesis esti tre enspeziga afero Z
laborenspezo enspezo devenanta de ies laboro: ŝi povosciis plekti fiŝkaptajn retojn, kio ĉi tie donis bonan laborenspezon Z laborenspezo! kia proza, triviala vorto ĝi estas! Z ➞ lukro.
sendelspezo sendokosto.