PIV Reta Vortaro

PIV 2020 · 14627

spez/o Operacio, per kiu monsumoj estas transigataj de unu kaso al alia, de unu konto al alia : la taga spezo de tiu komercejo atingis milionon da frankoj; ĉiu spezo devas esti montrita duloke en la libroj. spezimposto, spezokapitalo.

spezi () Transigi sumon de unu konto en alian : mi hodiaŭ spezis du cent markojn en vian Zurikan bankon, je via konto.

antaŭspezo. Sumo, kiun oni spezas provizore antaŭ la konkludo definitiva de la negoco.

elspezi. Pagi monon: ŝi elspezis mil frankojn por tiu balrobo; virino, kiu elspezis sian tutan havon por kuracistoj ; li elspezis por tio ĝis sia lasta groŝo.

elspezo. Tio, kion oni elspezas: etaj elspezoj de la vojaĝo; postuli la garantion, ke ĝiaj elspezoj ne estos tute perditaj ; al vi li nun farus plu neniajn elspezojn ; li promesis pagi ĉiujn elspezojn de la eldonado; pligrandigi siajn elspezojn ; () tio estas vana elspezo de energio k tempo.

elspezema. Inklina facile elspezadi.

elspeziga. Tia, ke ĝi okazigas sufiĉe altajn elspezojn: elspeziga entrepreno, ekspedicio.

enspezi. Ricevi monon: vian ĉekon mi enspezis; nur hieraŭ mi enspezis mian salajron; pli facile estas multon elspezi ol malmulton enspezi .

enspezo. Tio, kion oni enspezas: tro da enspezo ne estas tro da pezo ; la enspezoj de mia kuracista praktiko estis terure malgrandaj ; miaj enspezoj tute ne kovradis miajn elspezojn ; vivi de estontaj enspezoj (); riĉigas ne enspezo sed prudenta elspezo .

enspezaro. La tuta sumo, kiun iu persono, firmo enspezas en difinita tempo: deklari al la impostisto sian enspezaron; la jara enspezaro de la nacio; malneta, neta enspezaro.

enspeziga. Tia, ke ĝi okazigas sufiĉe bonajn enspezojn: ofico de kuriero, kiu promesis esti tre enspeziga afero .

laborenspezo. Enspezo devenanta de ies laboro: ŝi povoscias plekti retojn, kio ĉi tie donis bonan laborenspezon ; Laborenspezo! kia proza, triviala vorto! . lukro.

sendelspezoj. Sendokostoj.