subtil¹a

1 (io) Konsistanta el tre maldikaj k delikataj eretoj: subtila sablo, polvo ^X; pisti pulvoron subtila; subtila parfumo (tre penetrema); 🔬 subtila bacilo (Vd bacilo).

2 Malfacile kaptebla, rimarkebla, komprenebla, pro ĝiaj delikataj nuancoj: mi admiras la subtilan lertecon de mia kanajla edzino ^Z; la estraro havas konsiderojn subtilajn ^Z; la misteroj de la subtila lingvo de la Francoj ^Z; jen vere subtila klarigo; subtila distingo inter du vortoj; subtila ĉarmo, arto.

3 Kapabla fari aŭ rimarki delikatajn nuancojn, diferencojn: subtila filozofo, observanto; (analoge) subtila spirito ^B, intuicio, gusto. ☞ sagaca.