PIV 2026 · Artikolo 15111
★ŝati
Derivaĵoj en la artikolo 12
★ ŝati tr
1 rigardi ion kiel valoran, gravan, havindan aŭ ĝuindan: la grandan amikecon de Viaj intencoj mi ŝatas tre alte Z nobla viro devas dece ŝati la vorton de virino Z mi ŝatas tre alte la meritojn de la Pariza Grupo Z homoj, kies nomo, ankoraŭ tre malmulte konata kaj tre malmulte ŝatata, estas «Esperantistoj» Z la malaperantaj, ĉiam malpli kaj malpli ŝatataj religioj Z mi ŝatas nur kuraĝon rektaniman Z nur suferinto ŝatas feliĉon Z tiajn kolektivajn dokumentojn la mondo ja ŝatas pli certe ol Z ĉion novan oni ŝatas Z bono posedata ne estas ŝatata Z la infanoj ne tre ŝatas longan aman babiladon Z ĉiuj ŝatis Esperanton tial, ke ĝi alproksimigas iliajn korojn Z la politiko estis ĉiam pleje ŝatata kaj estimata de ĉiuj B mi multe ŝatas belan manon Z ŝi ŝatis elegantajn bluzojn ZBF ŝati kafon ŝati la legadon ➞ aprezi.
2 havi favoran opinion pri iu: ŝatu amikon laŭ la dato de akiro Z ŝteletiston oni batas, ŝtelegiston oni ŝatas Z kiu hundon mian batas, min mem ne tre ŝatas Z oni tute ne havas la intencon ŝati ilin pli alte, ol kiom ili meritas Z knabino, kiu vin estimas kaj ŝatas, kvankam ŝi vin ankoraŭ ne amas Z la rolo de honesta homo, kiu ĝojas, se lia edzino estas ŝatata Z tiajn hundojn mi tre ŝatis, eĉ amis JSc ➞ estimi.
3 kun infinitivo volonte aŭ plezure fari ion: ĉu vi ŝatas danci? ĉu vi ŝatas legi? ĉu vi ŝatas naĝi? aliaj ŝatas aktori en kvazaŭ teatraj roloj PSa mi ŝatus starigi ĉi-kuntekste kelkajn demandojn WGü
ŝato opinio aŭ sento de iu, kiu ŝatas: mi volas esprimi al vi mian ŝaton de via lasta verko
ŝatateco stato de iu ŝatata: tenu vin tute rekte, tio bone aspektas kaj kaŭzas ŝatatecon Z
ŝategi ege ŝati: ŝi ŝategis florojn ZBF
ŝatinda tia, ke ĝi meritas ŝaton: li parolis kun ŝatinda simpleco kaj sincereco li estas unu el la plej ŝatindaj moralistoj ➞ ŝatokupo.
lingvoŝatanto iu, kiu ĝuas lerni, uzi aŭ esplori lingvojn: esperantistoj kunigis duonmilon da lingvoŝatantoj en unu loko RE!
malŝata tia, ke ĝi malŝatas: ŝi rigardis per malŝata rigardo kelkajn mokemajn junajn virinojn Z la glaciaj vizaĝoj! La malŝata indigno! B raporti pri ĝi severe kaj malŝate Z niaj principaj kontraŭuloj, kiuj antaŭ nelonge malŝate rigardis nin de alte Z
malŝati
1 rigardi ion kiel senvaloran, malgravan aŭ preterlasindan: okupata la tutan tagon je nia afero, li devis tute malŝati sian profesion Z en la orelojn de malsaĝulo ne parolu; Ĉar li malŝatos la saĝecon de viaj vortoj MT okulon, kiu malŝatas obeadon al la patrino, Elpikos korvoj MT koron suferantan kaj humilan Vi ne malŝatas MT malŝati la regulojn de la arto rajtas geniulo, sed ja ne vi, mia kara ne malŝatu ĝiajn plej ĉarmajn donojn! pri la naturo Z ĉar kiu povas malŝati ĉi tiun tagon kiel malgrandan ? MT lia peto ne povis esti malŝatata Z dramoj, kiuj nun estas malŝatataj Z
2 havi malfavoran opinion pri iu: ne malŝatu vian patrinon, kiam ŝi maljuniĝos MT li malŝatis vin, ke vi ne estu plu reĝo MT kiam la Filiŝto vidis Davidon, li malŝatis lin, ĉar li estis knabo MT ili diras al Miaj malŝatantoj MT Venecio malŝatas malriĉajn turistojn FPg ➞ malatenti, malestimi, malzorgi.
3 kun infinitivo malvolonte fari ion: mi malŝatas enmiksiĝi en aferojn de aliaj homoj SEn ankaŭ la grandaj de nia mondo ne malŝatas pasigi iom da tempo sub la tegmento de kabano B
malŝato, malŝatado opinio aŭ sento de iu, kiu malŝatas: mi komprenas , ke tio estas malŝato kontraŭ mi Z la malŝato lerni la trudatan, rusan lingvon SRs mi ne povas toleri tian malŝaton de mia plej kara deziro mi vere povus ekmalami vin por pro tiu stranga malŝatado de virinoj Z
malŝatinda tia, ke ĝi meritas malŝaton: li estas malŝatinda kontraŭulo, kvankam tre estiminda homo
memŝatema inklina al (troa) ŝatado de si mem. ➞ vanta.
varmoŝata ŝatanta varmon: varmoŝata planto