PIV 2026 · Artikolo 15785
★tombo
Derivaĵoj en la artikolo 8
★ tombo
1 kavo farita en la tero aŭ roko por ricevi mortintan (speciale homan) korpon, kun aŭ sen ĉerko: oni elfosos por ĝi fantomo tombon Z kies tombo tio ĉi estas? Z Ida kisis la florojn, metis ilin en la teron, kaj Adolfo kaj Jono pafis per la pafarkoj super la tombon Z malviva hundo kuŝas en la tombo de miaj patroj Z Jozef prenis la korpon, kaj envolvis ĝin en pura tolaĵo, kaj metis ĝin en sian novan tombon, kiun li jam elhakis en la roko NT spirito de la maljuna Moor! kio maltrankviligis vin en via tombo? Z
(figurasence) kial mi ne estis mortigita en la utero, ke mia patrino estu mia tombo ? MT sekreta, silenta kiel tombo stari per unu piedo en la tombo esti baldaŭ mortonta Z
➞ tombokuŝi; hipogeo.2 tumulo aŭ monumento super tia kavo, por ĝin indiki: veni preĝi ĉe ies tombo ili entreprenis pilgriman vojaĝon al la tombo de Homero Z ĉi tie estas tombo familia Z florornami ies tombon neniu scias lian tombon ĝis hodiaŭ MT vi similas al tomboj blankigitaj hipokrituloj NT ➞ tomboskribo.
3 (figurasence) stato de mortinto: se nur la tombo estus eterna forgeso de ĉiuj pekoj Z resti fidela ĝis la tombo la misteroj de la tombo
tomba
1 apartenanta al tombo: glacia kaj neĝa tavolo Ĝin kovras per tomba tolaĵo Z vindita per tomba tolaĵo tomba ŝtono ➞ tomboŝtono Z tomba monteto ➞ tumulo Z tomba kripto
2 (figurasence) elvokanta tombon: regis tomba silento la frunto kovriĝos per tia tomba paleco Z
tombejo loko destinita por enhavi kelkajn aŭ multajn tombojn: ili estis el la lastaj, kiujn oni enterigis sur la malnova monaĥeja tombejo Z ŝi eniris tra la pordo de la tombejo Z jen ni estas sur la tombejo Z ➞ katakombo, maŭzoleo, nekropolo, tomboloko.
tombisto homo, kiu fosas tombojn kaj tien metas la mortintojn kun aŭ sen ĉerko: la sceno de la tombistoj en Hamleto
amastombejo tre granda foso, en kiun oni enterigas multajn kadavrojn (ekz. en tempo de epidemio, milito k.s.)
eltombigi elpreni mortinton el ties tombo (ekz. por juĝista nekropsio ktp): post 182 jaroj li estis eltombigita, kaj liaj restaĵoj estis transportitaj per militaviadilo al Slovakio JHa (figurasence) Cervantes per sia verkado eltombigis Don Kiĥoton, la kavaliron de la idealo MalR
entombigi meti iun en tombon: kiam mi mortos, entombigu min en la tombo, en kiu estas entombigita la homo de Dio MT li estis entombigita viva (figurasence) la brando entombigas la angilon digestigas Z ➞ sepulti.
sentomba ne ricevinta tombon: la kadavroj kuŝis sentombaj sur la batalkampo
transtomba apartenanta al aŭ venanta el la regiono trans la morto: transtomba aperaĵo (figurasence) per ia transtomba voĉo ➞ transmorta.