PIV 2026 · Artikolo 1607

balzamo

Litero B

Derivaĵoj en la artikolo 8
  1. balzama
  2. balzami
  3. balzamarb/o
  4. balzamuj/o
  5. enbalzamig/i
  6. enbalzamig/ist/o
  7. peru/a balzamo
  8. tolu2/a balzamo
balzamo
1 KEMI bonodora rezino elŝvitiĝanta el diversaj arboj kaj entenanta benzoatan aŭ cinamatan acidon: balzamo el Gileado balzamo el Mekao balzamo el Peruo balzamo el Kanado ➞ balzamherbo.
2 FARM olea aŭ rezina kuracilo, uzata por kvietigi korpajn dolorojn: mi preparos la sanigan balzamon FDi
3 (figurasence) morala kuracilo, konsolo aŭ trankviligo: la juneco metis sanigan balzamon sur la unuan vundon de ŝia koro Z en la vortoj de Ligia estis vera balzamo LiZ ➞ ambrozio 1.
balzama
1 rilata al balzamo 1 kaj balzamo 2: balzama medikamento
2 (figurasence) havanta odoron tiel freŝan kiel balzamo: maljuna virineto eliris en la lumon de la suno, enspiris la balzaman aeron Z enkaptu lian balzaman spiron Z ĉu la balzama dormo falas ankaŭ sur la okulojn de kanajloj? Z
balzami tr
1 = (prefere) enbalzamigi: Jozef ordonis al siaj servantoj kuracistoj, balzami lian patron MT
2 (figurasence) fari bonodora: la abioj balzamis la venteton
balzamarbo, balzamujo BOTA tropika arbo aŭ arbusto, produktanta aroman kaj balzaman gumon kaj/aŭ esencorezinon uzatajn en tradicia medicino, i.a. mirhon, peruan balzamon kaj toluan balzamon. ➞ balzama abio, balzama poplo, komiforo, miroksilo, okcidenta lariko.
enbalzamigi gardi korpon kontraŭ putrado per diversaj procedoj, ŝmirado per balzamoj, injektoj ktp: grandega konstruaĵo, kie oni enbalzamigadis la kadavrojn de l’ reĝoj B ➞ mumio.
enbalzamigisto iu, kiu metie enbalzamigas: la korpon oni transdonis al la enbalzamigistoj B
perua balzamo FARM rezino ekstraktata el specio de miroksilo, uzata pro ekspektorigaj kaj kontraŭsepsaj ecoj.
tolu2a balzamo FARM ekspektoriga rezino ekstraktata el specio de miroksilo (nomita laŭ la urbeto Toluo 2). Sin. toluo 1. ➞ tolueno.