PIV 2026 · Artikolo 16311
★utila
Derivaĵoj en la artikolo 18
★ utila
1 io tia, ke ĝia uzo, efiko aŭ rezulto estas aŭ povas esti profita: utila al iu utila por iu aŭ io utila ilo utila libro utila institucio utila leĝo utila konsilo se mi scius, ke tio ĉi estas utila por la kongreso Z tiu diletanteco ne estas tute sen flankoj noblaj kaj utilaj Z FIZI TEKN utila efiko laboro akirita el maŝino, ofte prezentata kiel procentaĵo de la uzata energio TRAF utila ŝarĝo de veturilo tiu de la transporteblaj homoj aŭ varoj, kontraste kun la pezo de la veturilo mem
2 iu tia, ke ties agado estas aŭ povas esti profita, helpa: eble almenaŭ mi povas per io esti utila al vi Z multaj min demandas, per kio ili povas esti utilaj al la afero Z ➞ servi.
utile en utila maniero: ĉiu povas utile pripensi ĉi tiun maksimon utile uzi la horojn estus utile, se mia letero aperus en ia organo Z
utili al aŭ tr alporti utilon: senĉesaj admonoj tute ne utilas B ne ĉio utilas, kio brilas Z kion utilos la riproĉoj? B ĝi neniel utilus al via filineto tio ne utilos min B kion utilos mia sango, se mi iros en la tombon? MT idolo, kiu nenion utilas MT kion utilus, se mi defendus viajn opiniojn? B
utilo
1 io utila: pluvo en Aprilo — por la tero utilo Z tiam Sofio enloĝiĝis en ilia domo kaj alportadis utilon Z nun alportis al li grandan utilon la cirkonstanco, ke li estis bona naĝisto Z
2 karakterizaĵo de io utila: fremda spesmilo estas sen utilo Z la utilo de tiu reformo estos tiel sensignifa LEsp en deklaracio de tia formo mi vidas nenian utilon Z
3 ies profito aŭ avantaĝo: mi estas la Eternulo , kiu instruas vin por via utilo MT ne bonega aranĝo por mia utilo Z
utilaĵo
1 utila objekto aŭ afero: ĝi ja ŝajnas bona utilaĵo, tre helpa ĉe kuirado CRo ➞ uzaĵo.
utileco eco de io aŭ iu utila: ĉiuj komprenas la utilecon de internacia lingvo, sed ne ĉiuj kredas je ĝia ebleco B la Esperantistoj ne komprenas la tutan utilecon de Viaj agoj Z la utileco estos preskaŭ nula Z ĉion por ornamo, nenion por utileco tio havas la utilecon montri novan flankon de la afero pri la utileco de la malamikoj
utiligi uzi ion tiel, ke ĝi estu aŭ iĝu utila: la ŝipoj, utiligante la ventojn, iris en longa vico B la arto utiligi la manĝorestaĵojn li sciis utiligi eĉ la malvirtojn de siaj kolegoj ➞ ekspluati.
utilismo FILOdoktrino, kiu rigardas la utilon kiel la principon de ĉiuj valoroj en kampoj de scio aŭ agado. ➞ pragmatismo.
malutila
1 tia, ke ĝia uzo, efiko, rezulto alportas (aŭ povas alporti) malbonon, difekton aŭ malprofiton: malutila reformo malutila konsilo tiu aŭ alia el miaj neologismoj, kiun la diskutado elmontrus kiel malutilan Z malutila spaco en vaporcilindro la laborado de la Delegacio estas por ni tre malutila per tio, ke ĝi dume paralizas ĉiun laboradon de niaj amikoj Z tia solvo estus utila al neniu kaj malutila al multaj
2 tia, ke ties agado estas aŭ povas esti danĝera, difektodona aŭ malprofita: malutila birdo malutila vermo malutila herbo malutilaj flatantoj
malutili alporti malutilon: kiu servas al ĉiu, al si mem malutilas Z mia partoprenado povus malutili al la kongreso Z mi opinias, ke ne malutilos, se ili estos reeldonitaj Z ➞ damaĝi, noci.
malutilo
1 io malutila: alporti malutilon al la kongreso Z tio povas fari malutilon al la ovoj! Z efika armilo kontraŭ la malutilo, kiun oni nune alportas al nia afero Z
2 eco de io malutila: la malutilo de viaj proponoj estas baldaŭ aperonta tion oni povas akcepti sen granda malutilo
3 ies malprofito aŭ perdo: kun malutilo al ni mem Z riĉeco konservata por la malutilo de ĝia propra mastro MT
malutilaĵo malutila objekto aŭ afero: la loka malutilaĵo konsistas en ia alia malsano de la okulo Z
medimalutilaĵo EKOL medinocaĵo.
neutila senutila: diversaj utilaj kaj neutilaj proponoj venados Z
neutiligebla tia, ke oni ne povas ĝin utiligi: neutiligeblaj rompitaĵoj
publikutila entrepreno provizanta la necesajn servojn al urbo, provinco k.s. (elektro, trinkakvo, fervojoj ktp).
reutiligi utiligi ion por alia celo: oni povas preskaŭ samvorte reutiligi la vortojn de la pasinta jaro RCo
senutila
1 io tia, ke ĝi donas nenian utilon: li forĵetis la moneron, kiel senutilan ŝtonon tio estis vere senutila zorgo! estos tute senutile relegi la protokolon ➞ vana.
2 iu tia, ke ties agado alportas nenian utilon: ni estas senutilaj servistoj NT individuo senutila al la socio
Sin. neutila.senutileco eco de io aŭ iu senutila: anstataŭ paroli pri la utileco aŭ la senutileco de mia lingvo Z iuj rigardas la senutilecon kiel la kondiĉon de la beleco ➞ vanteco.