PIV 2026 · Artikolo 4819

frida

Litero F

Derivaĵoj en la artikolo 6
  1. frido
  2. fridig/a
  3. fridig/i
  4. fridig/ad/o
  5. fridig/il/o
  6. friduj/o
frida
1 tiel malvarma, ke nutraĵoj k.a. povas konserviĝi, tamen sen frostiĝi. ➞ fridkamiono, fridvagono, fridunuo; frosta.
2 BELE malvarma: nia panjo naskinte vin forpasos senrevene al la frida vastespaca mondo de l’ tenebro poreterna VVi la noktoj surmare povas iĝi diable fridaj HGK
3 = (prefere) frigida: ŝi gardis sian sentovivon sub sep sigeloj, kaj oni kredis ŝin frida FSz
frido
1 tia malvarmo, en kiu konserviĝas nutraĵoj sen frostiĝi.
2 BELE malvarmo: mi perdis al vi fidon,
kiu el sama buŝo blovas
la varmon kaj la fridon KKa
fridiga rilata al fridigado: fridiga vagono fridiga likvo
fridigi malvarmigi tiel, ke la propraj ecoj konserviĝu, sed sen frostigo: la sciencistoj fridigis la konkulojn por ebligi ilian transportadon OKi fridigita viando fridigita fiŝo ➞ frostigi, kongeli.
fridigado procedo de konservado de nutraĵoj en temperaturo, en kiu la propraj ecoj reteniĝas, sed sen frostiĝo. ➞ frostigado.
fridigilo aparato por produkti konstantan malvarmon en fridujo. ➞ frostujo.
fridujo ŝranko provizita per fridigilo kaj uzata por konservi manĝaĵojn kaj trinkaĵojn dum pluraj tagoj: li paŝis al la fridujo kaj elprenis ŝinkon kaj fromaĝon CPi de la kuirejo aŭdiĝas konstanta bruo de la fridujoj Ko ➞ frostujo, glaciujo.