PIV Reta Vortaro

PIV 2020 · 8287

konk/o

1 Kalka tegaĵo de multaj moluskoj: konko de heliko, mitulo, ostro. karapaco, pekteno, ŝelo.

2 Objekto iel similforma: konko (manŝirmilo) de spado; konko de seruro; konko de niĉo (kvaronsfera supra parto).

3 Organo similforma: orela konko (concha auriculae: profunda kavo en la meza parto de la orela aŭriklo); nazaj konkoj (concha nasalis: volviĝintaj ostlamenoj en la naza kavo).

4 Granda konko, uzata de Tritonoj kiel trumpeto.

konkaĵo. Konko, el kiu la molusko malaperis: kolekti konkaĵojn sur la plaĝo.

konkego. Granda konko, aŭ ties skulptita imitaĵo el marmoro, en kiu plaŭdas fontano.

konkulo. Konkoporta molusko.

konkohava ( petro) Enhavanta fosiliajn konkojn.

konkologio. Scienco pri la konkuloj.

borkonkoj Foladedoj.

fandokonko. Formujo, en kiun oni enfandas ŝtalblokon.

monkonko. Speciala konko, servanta kiel monero en kelkaj orientaj landoj. moncipreo.

perlokonko. Konko, produktanta la verajn perlojn. pinktado.