PIV 2026 · Artikolo 9765
makedono
Derivaĵoj en la artikolo 5
makedono
1 HIST ano de Makedonujo 1, parolanta lingvon parencan al la antikva greka: plibonigi la rilatojn inter albanoj kaj makedonoj BSe
2 ano de la slava ĉefgento de Makedonujo 2.
3 ano de Nord-Makedonujo.
makedona rilata al makedonoj, iliaj lingvoj, Makedonujo aŭ Nord-Makedonujo.
Makedonujo, Makedonio GEOG
1 HIST reĝlando norde de la antikva Grekujo, ĉe la Egea Maro; ĝi estis konkerita de la Roma Regno en la jaro 168 a.K.E.
2 nuntempa regiono sur la Balkana Duoninsulo, kies ĉefaj partoj apartenas al Bulgarujo, Grekujo kaj Nord-Makedonujo, dum malpli grandaj partoj apartenas al Albanujo, Serbujo kaj Kosovo.
3 parto de la nuntempa Grekujo, kiu dum la antikveco apartenis al Makedonujo 1, nun dividita inter tri regionoj: Orienta Makedonujo kaj Trakujo, Centra Makedonujo kaj Okcidenta Makedonujo.
4 HIST 1944–1991 iama federacia respubliko de Jugoslavujo, sur la sama teritorio kiel la nuna Nord-Makedonujo.
Nord-Makedonujo, Nord-Makedonio GEOG lando sur la Balkana Duoninsulo, inter Albanujo kaj Bulgarujo, okupanta la nordokcidentan teritorion de Makedonujo 2. ĉefurbo: Skopjo