PIV 2026 · Artikolo 9868
manifesto
Derivaĵoj en la artikolo 5
manifesto solena skriba deklaro de registaro, partio, skolo k.c., por sciigi kaj klarigi al publiko sian opinion:ni dissendos manifeston al ĉiuj kvar flankoj de la mondo Z Manifesto de la Komunista Partio 1848 Manifesto de la Sennaciistoj 1931 ➞ proklamo.
manifesti tr klare vidigi opinion, partianecon ktp per eksteraj signoj: la Universalaj Kongresoj manifestas antaŭ la mondo nian pacan programon ➞ proklami, aperigi, evidentigi.
manifestado ago manifesti: kongreso estas propaganda manifestado Z ĉi tiu kunveno estas potenca manifestado de laborista kulturstrebado
manifestaĵo io manifestata: belo estas unusola arketipo, sed ni vidas ĝin nur en konkretaj manifestaĵoj DBr ni spertas rapidan inversigon de la tendenco , de kiu la eventoj ekde la disfalo de la sovetia imperio estas la plej ekzempla manifestaĵo GMc
manifestiĝi iĝi klara aŭ evidenta per eksteraj signoj: ni dankas pro la manifestiĝinta bonvolo ankaŭ en la aspekto manifestiĝas la karaktero de la gento la ekonomia interdependeco pli kaj pli manifestiĝas en la nuna Eŭropo ➞ aperi.
ŝipmanifesto listo, kiu specifas la kargon de ŝipo kaj mencias la nomojn de ĝiaj sendintoj.