PIV 2026 · Artikolo 974
★aperi
Derivaĵoj en la artikolo 9
★ aperi ntr
1 subite sin montri al ies okuloj: iu nekonato aperis ĉe la pordo en la fendo, kiu fariĝis inter la pezaj faldoj de la punca ŝtofo, aperis paro da karbe nigraj flamaj okuloj Z jam la unuaj floroj aperas en la ĝardeno kolektiĝu la akvo en unu lokon, kaj aperu la sekaĵo MT dolora ruĝo aperis sur la vizaĝo de la bela Sara Z
(aparte: montri sin sub videbla formo) la gloro de la Eternulo aperis en nubo MT li aperis unue al Maria Magdalena NT ne voku diablon, ĉar li povas aperi Z
2 (figurasence) subite sin montri al ies menso: iufoje en la kapo de samideano aperas la sekvanta demando Z la ideo, al kies efektivigo mi dediĉis mian tutan vivon, aperis ĉe mi en la plej frua infaneco Z (analoge) nun la unuan fojon nia kongreso aperas sub la oficiala sankcio de registaro Z
3 evidentiĝi: tempo toleras, sed vero aperas Z post ĉiu nova silenta tempo aperos nova revigliĝo Z tiu ĉi «speciala neceseco» tamen aperas nur tre malofte Z en tiuj okazoj, kie malkompreniĝo povas aperi Z aperas prudento, kiam pasis la momento Z se aperas iaj demandoj, kiuj koncernas la tutan esperantistaron, tiam kiu havas la rajton ilin solvi? Z ➞ okazi.
4 sin montri ia aŭ tia, kia oni efektive estas (male al ŝajni): aperi senkulpa Z aperi pli granda Z aperi mensoganto MT miaj rimedoj de solvo aperos eble kiel tro simplaj Z Esperanto, vere, aperas kiel sola kandidato por lingvo internacia Z kiel grandega malhelpo aperos la reciproka envio de la popoloj Z tiu ŝanĝo devas aperi kiel tute ne akceptebla Z ➞ aspekti.
5 esti publikigita per presado: estus utile, se mia letero aperus en ia organo Z mia artikolo aperu en formo de respondo al ia demando Z la kongresa kuriero aperis ĉiutage IOs ➞ eldoni.
6 sin prezenti en difinita loko: en kia granda nombro ili aperis, por deziri al ni bonvenon! Z vi aperu hodiaŭ vespere al palaca festo Z jam la trian fojon vi aperas antaŭ ĉi tiu tribunalo! aperante antaŭ vi kiel tradicia malfermanto de la esperantistaj kongresoj, mi Z
apero
1 ago de iu aŭ io aperanta: la unua apero de l’ printempo ekde la apero de Esperanto Volapük estis kondamnita la apero de tiu letero estis por mi tre malagrabla surprizo Z
2 (arĥaismo) = aperaĵo: ili ne volis prijuĝi la naskiĝantajn novajn aperojn inventojn Z ni en ĉia lingvo natura sur ĉiu paŝo renkontas la sekvantan aperon fenomenon Z
aperadi ripete aŭ regule aperi: pala vizaĝo, sur kiu de tempo al tempo aperadis konvulsiaj movoj Z
aperado ripeta aŭ regula apero: la reguleco de la aperado de la numeroj estos firmigita Z
aperaĵo tio, kio aperas al la okuloj aŭ al la menso: traŝvebis antaŭ ŝi aperaĵo Z fantomosimila aperaĵo HLu tiuj malmultaj amikoj kaj konatoj, kiujn mi havis, rifuzis rekoni min en mia ŝanĝita aperaĵo OE
aperigi
1 videbligi; evidentigi: Mi aperigos de David markoton virtan MT ekbato de nazo aperigas sangon MT sian tutan koleron aperigas malsaĝulo; Sed saĝulo ĝin retenas MT tio klare aperigis lian malsincerecon ➞ malkaŝi, malkovri.
2 publikigi per presado: volu aperigi mian artikolon en via gazeto ➞ eldoni.
malaperi
1 iĝi nevidebla; eliri el ies vidkampo: malaperis kiel vaporo Z malaperis kiel ŝtono en maron Z ĝi fine tute malaperis for de la okuloj Z nubetoj flugis super la valo, jen leviĝante supren kaj malaperante tute, kiam ili atingis la supron de l’ monto B li la fantomo malaperis ĉe la koka krio Z ➞ pafi.
2 ne plu esti ie; ne plu ekzisti: tiel malaperis tiu granda homo ĉio semita velkos kaj malaperos MT el ties domo ne malaperos malbono MT dum ŝi sonĝis, malaperis ŝia vivo Z kiom multe da gazetoj jam malaperis en nia movado! ➞ ĉesi, estingiĝi, morti, perei.
Sin. vanui.malapero ago de iu aŭ io malaperanta: la malapero de la akuzito tre ĝenis la policon nekomprenebla estas por mi la minacanta malapero de «Lingvo Internacia» Z
malaperigi
1 forigi el ies vidkampo: li tuj malaperigis la kompromitan leteron