PIV 2026 · Artikolo 4111

★estingi

Litero E★ Fundamenta

Derivaĵoj en la artikolo 9
  1. estingo
  2. estingad/o
  3. estingiĝ/i
  4. estingil/o
  5. blovestingi
  6. fajroestinga
  7. fajrestingist/o
  8. neestingebl/a
  9. voĉestingo
★ estingi tr
1 ĉesigi la bruladon de io: estingi fajron estingi brulegon li estingis sian cigaredon BLe ili volas estingi mian karbon MT Mi tion ekbruligis tiel, ke oni ne povas estingi MT
2 ĉesigi la lumadon de io: estingi lumon estingi kandelon estis jam luma tago, kiam Marta estingis la lampon Z meĉon senfajriĝantan li ne estingos MT
3 (figurasence) ĉesigi kaj kvietigi ardon aŭ eksciton: estingi soifon estingi deziron granda akvo ne povas estingi la amon MT rigardo duone estingita Z estingi ies vivon estingi tutan genton
(analoge) estingas pekon pardono Z kiu ŝuldojn estingas, riĉecon atingas Z
➞ sufoki, forviŝi.
4 KEMI TEKN miksi kalkon kun akvo: per aldono de akvo al CaO oni estingas ĝin ĝis Ca(OH)2 estingita kalko Sin. velka kalko neestingita kalko
estingo, estingado ago de estinganto: malpermesate plu babili post la estingo de la lampoj mia frato estus tre fiera kontribui al la estingo de problemo Ko estingado de la fajreroj
estingiĝi iĝi estingita:
1 eniri en Gehenan, kie la fajro ne estingiĝas NT ŝi sidis senmove kontraŭ la estingiĝanta fajrejo Z estingiĝinta vulkano WSc
2 donu al ni el via oleo, ĉar niaj lampoj estingiĝas NT ties lumilo estingiĝos meze de profunda mallumo MT la roza brilo estingiĝis sur la maro Z
3 ekflamis Mia kolero kaj ne estingiĝos MTla sento de ĝeniĝo, kiu neniam plene estingiĝis ALöhomaj vivoj estingiĝas tie ĉiutage Z estingiĝis lia tuta familio estingiĝis la tradiciaj fiŝkaptado, bredado kaj agrikulturo JLe estingiĝanta voĉo estingiĝanta rigardo ➞ morti, pasi, velki, elvaporiĝi, foriĝi, forviŝiĝi, neniiĝi.
estingilo
1 HIST konusforma ilo por estingi kandelon.
2 aparato, kiu ŝprucigas specialan substancon por estingi komenciĝantajn fajrojn.
blovestingi estingi ion per blovo: blovestingi kandelon
fajroestingaservanta por estingi fajron: li elveturis kun fajrestinga tubo Z
fajrestingisto fajrobrigadano.
neestingebla tia, ke oni ne povas ĝin estingi: fajro neestingebla NT hereda lingvo de la plej malgranda kaj plej sensignifa popoleto havas vivon multege pli garantiitan kaj neestingeblan, ol senpopola lingvo Z
voĉestingo malapero de la voĉa funkcio; paralizo de la voĉkordoj.