PIV 2026 · Artikolo 3029

★detrui

Litero D★ Fundamenta

Derivaĵoj en la artikolo 9
  1. detrua
  2. detruo
  3. detruem/o
  4. detruiĝ/i
  5. detruit/aĵ/o
  6. mikrobdetrua
  7. nedetruebl/a
  8. nedetruebl/ec/o
  9. veterdetruiĝ/i
★ detrui tr
1 perforte malkonstrui ion: detrui urbon Z detrui fortikaĵojn MT detrui murojn Z detrui domojn MT detruita ĝis la fundo de l’ fundamento Z ili detruos vian malĉastejon MT estas tempo por detrui, kaj tempo por konstrui MT kion Li detruas, tio ne rekonstruiĝas MT (figurasence) konsento konstruas, malpaco detruas Z ➞ ruinigi.
2 (figurasence) meti finon abruptan al io; difekti ion ĝis tuta forigo: lia morto detruis ĉiujn niajn projektojn detrui la sanon detrui la trankvilon B detrui nian ĝisnunan harmonion Z Viaj vortoj detruos ĉiujn niajn akirojn Z detruita estas via potenco MT detruitaj esperoj Z liaj propraj fortoj estis detruitaj Z envia moko sukceson ne detruas Z ŝuldo ne bruas, tamen dormon detruas Z ➞ aboli, ekstermi, frakasi, konsumi, renversi, rompi, disbati, forbalai, forstreki, forviŝi, cindrigi, faligi, mortigi, neniigi, nuligi, pereigi, polvigi, ruinigi, huno, vandalo.
detrua rilata al detruo: la detrua povo de la akvoj la detrua povo de eksplodaĵo
detruo ago de detruanto: la detruo de la remparoj fari detruojn MT
detruemo emo al detruado.
detruiĝi iĝi detruita: profundaj planoj detruiĝas Z kia granda homo detruiĝis! Z la tuta valo kaj ĉiuj kampoj ne detruiĝos MT
detruitaĵo io detruita: Mi restarigos la falintan tabernaklon Mi restarigos la detruitaĵon MT
mikrobdetrua substanco detruanta aŭ mortiganta mikrobojn. ➞ mikrobicido.
nedetruebla tia, ke oni ne povas ĝin detrui: nedetruebla monumento
nedetruebleco eco de io nedetruebla: la nedetruebleco de materio
veterdetruiĝi korodiĝi pro longa restado en la aero.