PIV 2026 · Artikolo 8352
★konsumi
Derivaĵoj en la artikolo 11
★ konsumi tr
1 detrui iom post iom la substancon de io ĝis plena neniiĝo: fajro konsumas lignon la ruĝa flamo konsumadis la foliojn de la arboj Z malsato konsumos lian forton MT (figurasence) mi konsumas la tempon de via sankteco per mia malsaĝa babilado B multe da tempo kaj energio estas vane konsumitaj per tiu lernado mi konsumos mian koleron sur ili MT la eldonado de la revuo konsumas senreste niajn monrimedojn ➞ cindrigi, elĉerpi, elspezi, pereigi, perdigi.
2 iom post iom detrui ion, prenante ĝian substancon por sinnutrado aŭ por persona uzado: konsumi kandelon konsumi viandon konsumi panon konsumi sian antaŭan grason vivi el ŝparitaĵoj Z konsumi sian grenon antaŭ ĝia maturiĝo Z konsumi la provizojn oni jam konsumis multe da inko por klarigi tiun punkton monarĥoj estas konsumataj de tineoj kaj vermoj Z ĉevalo sin mem formanĝas, nutrante ĝi konsumas Z ➞ elsuĉi, foruzi, vori.
3 pereigi iun iom post iom per malrapida kaj konstanta senfortigado: ni ne konsumu niajn korojn per vanaj afliktiĝoj Z la envio konsumas lin konsumata de la laboro post dektaga rigardado de novaj personoj kaj vizaĝoj, la princo estis konsumita lacega B kamparanoj, konsumitaj de la malsano B dum la tago min konsumis la varmego MT konsumita vizaĝo ➞ lacigi, velkigi.
konsumo, konsumado ago konsumi: tiu procedo estas neekonomia pro tro granda konsumo de energio socio de konsumado ➞ konsumismo
konsumanto
1 iu, kiu konsumas vivrimedojn: la doganimpostoj ŝirmas la produktanton malprofite al la konsumanto
2 EKOL heterotrofa vivulo, kies nutrado senpere (ĉe herbovoruloj) aŭ pere (karnovorulo) de aliaj heterotrofuloj dependas de la unuavicaj produktantoj: bestoj estas konsumantoj unuavica konsumanto duavica konsumanto ➞ malkomponanto.
konsumiĝi
1 iom post iom perdiĝi aŭ neniiĝi: vi ĝemos en la fino, Kiam konsumiĝos via karno kaj via korpo MT li konsumiĝis kaj mortis MT
2 iom post iom malaperi pro uzado: konsumiĝis la akvo de la felsako MT la faruno en la vazo ne konsumiĝis MT
konsumismo konduto de homoj en riĉaj landoj, konsistanta en la akirado de ĉiaj ofertataj varoj aŭ servoj, inkluzive la neutilajn.
konsumiteco eco de iu aŭ io konsumita: lia konsumiteco maltrankviligas la edzinon
amaskonsumado socia kaj ekonomia fenomeno en industriaj socioj, karakterizata de daŭra amasa konsumado de varoj kaj servoj: la 20-a jarcento, dum kiu Usono fariĝis la unua socio de amaskonsumado MD
forkonsumi konsumi ĝis plena neniigo: la maŝinoj, kiel oni scias, forkonsumas la fortojn de laboristinoj Z forkonsumi sian malamon sur iu sin plene venĝi la homoj estas forkonsumataj de envio kaj zorgoj la trajtoj estis forkonsumitaj, sed ankoraŭ eblis distingi la kavojn, kie iam troviĝis la okuloj ALö
forkonsumiĝi iĝi forkonsumita: forkonsumiĝis jam duono de la korpo MT
nekonsumebla
1 tia, ke oni ne povas konsumi ĝin tutan.
2 tia, ke ĝi ne estas taŭga por nutrado.
varmokonsuma KEMI reakcio konsumanta varmon. Sin. endoterma, varmoeniga, varmoprodukta.