★en

1 La lokon, interne de kiu estas io aŭ iu: mia onklo loĝas en Berlino; mi sentas min sana kiel fiŝo en akvo; mia koro tremas en mi; en malproksimeco oni ekvidis bluajn montojn; la infano kuris en la korto; la suno rebrilas en la klara akvo; (f) mia amo restas ĉiam en la limoj de la infana devo; (f) en tiu propono kuŝas la solvo de la problemo.

2 La lokon, internen de kiu almoviĝas iu aŭ io: iri en teatron, meti ion en sian poŝon; la infano kuris en la korton; ĵeti en sakon; skribi en libron ^Z; la birdo flugas en la ĉambron ^Z; sablero falis en mian okulon; fali en kaptilon.

3 La tempodaŭron, interne de kiu okazas la ago: tio estis en lundo matene ^Z; mi parolos al vi en tempo pli oportuna ^Z; en la venonta jaro mi vizitos Germanujon ^Z; en la vintro oni hejtas la fornojn ^Z; en malbona vetero ^Z; dek horojn en la tago ŝi kudradis ^Z; havi varman manĝon unufojon en tago ^Z; en la daŭro de unu monato ^Z. ☞ ĉe, dum, je.

4 La tempolongon necesan por fari ion: legi libron en kvar tagoj; en momento la homo reviviĝis ^Z; vi forgesos nin en ses monatoj ^Z; en unu minuto li estus inter ili ^Z.

5 La staton, kiu karakterizas objekton: danĝere estas lasi lin plu en tia libereco ^Z; la unua lernolibro […] eliris en lingvo rusa ^Z; la forto grandiĝas en premateco; mi vagis en granda mizero ^Z; ili venis en granda nombro (grandnombre); lernigu la manieron, en kiu oni devas vivi inter ĝentilaj personoj ^Z; paroli en alia maniero ^Z; kien vi iras en tia izoleco?; en granda kolero; en konsento; en akompano kun iu; mia pulso en takto batas; malfermi la pordon en la plena larĝo ^Z.

6 Unu el la cirkonstancoj, inter kiuj fariĝas la ago: li kuris malsupren en (per) kelkaj saltoj; en (ĉe) la ŝvito de via vizaĝo vi manĝados panon ^X; en liaj okuloj ^Z (laŭ lia juĝmaniero, opinio); disflugiĝi kiel polvo en vento ^Z; morti en turmentoj; en (je) la nomo de; ŝiaj haroj estis kunvolvitaj en (per) pezaj plektoj; en longaj girlandoj pendis mirindaj kreskaĵoj ^Z; puntoj k bantrozetoj sin kunigis en mirinda bonordigita senordeco ^Z. ☞ ĉe, laŭ, je, per.

7 La finan staton de ŝanĝiĝinta objekto, la rezulton de aliiĝo: fendi ŝtipon en du partojn ^B; li rompis la vazon en pecetojn; la fumo longiĝis en mirindajn fantomojn; kunpremi la manon en pugnon; traduki libron en alian lingvon; la korto per barilo estis dividita en du partojn; miloj da voĉoj kunfandiĝis en grandegan harmonion; la glacio forgutis en brilajn larmojn; la milito kondukis multajn en mizeron; lia malkaŝemeco aliformiĝis en arogantecon ^Z. ☞ al, Rim. 2. ➞ el 2.

8 La aferon, kiun oni identigas al io aŭ iu: en la lingvo E. ni vidas la estontan lingvon helpantan de la mondo ^Z; Marta rekonis en ŝi tiun junan knabinon, kiun ŝi renkontis antaŭ kelkaj tagoj ^Z; de la nuna momento ĉesu vidi en mi majstron ^Z; tiam envenis la urbestro en propra persono.

1 la libro enhavas 30 ĉapitrojn; la ĉambro entenis 40 personojn.

2 engluti, enskribi, enblovi, enbrakigi, envicigi, enkasigi, enterigi, enloĝigi, enŝipiĝi, endormiĝi ktp.