★mus/o

1 ♉ G. (Mus) de malgrandaj mamuloj el la ordo de ronĝuloj, kun longa, skvamkovrita vosto; kelkaj sp-oj faras malutilon en homaj loĝejoj: simile al ĉiuj virinoj ŝi forte timis nin, musojn ^Z; la ŝipeto iris al la fundo kun siaj homoj k musoj ^Z; musoj pepas; muso la katon ĉiam ofendis ^Z (➞ rabia); kuradi kiel venenita muso ^Z (senutile barakti). ☞ rato.

2 💻 Komputila flankaparato, kiun uzanto movas sur la tablo aŭ sur speciala mato, por tiel movi respondan montrilon sur la ekrano: ĝenerale muso havas almenaŭ unu klavon, per kiu oni povas elekti funkcion ĉe la indikata loko. ☞ alklaki, montrilo, stirstango.