PIV 2026 · Artikolo 2151
★brako
Derivaĵoj en la artikolo 14
★ brako
1 KOMU tuto de la supra (aŭ antaŭa) membro de homo kaj simio: li levis sian brakon Z grandan paperujon mi portas sub la brako FE oni tenas ŝin je la brako Z prezenti la brakon al virino ŝi eniris, sub la brako de sia edzo Z mi volus ŝin forkapti kaj porti en la brakoj en mian domon LiZ ŝi prenis la infanon en siajn brakojn Z ricevi iun kun etenditaj brakoj bonvene
(proprasence, figurasence) brako en brako ili iris en la belegan tendon por ripozi Z ili iris kune, brakon en brako HLu
3 brako 1 rigardata kiel simbolo de forto: la ŝtonisto rompas al si la brakon de laciĝo por plenigi la ventron B li estas forta brako en batalo Z Mi rompos vian brakon , ke ne estos maljunulo en via domo MT super kiu malkaŝiĝis la brako de la Eternulo? MT ➞ mano.
4 (figurasence) parto de objekto, kiu etendiĝas flanke kiel brako 1: brako de cirkelo brako de gruo brako de lustro brako de levilo brako de okulvitroj brako de apogseĝo brako de rivero brako de maro brako de galaksio ➞ branĉo.
brakoj la spaco inter la du brakoj, rigardata kiel simbolo de amo aŭ amikeco: bela statuo, kiu ricevis vivon en miaj brakoj Z ni ekdormas kun virinoj en la brakoj B terura ekskuo ŝin ĵetis nekonscian en la brakojn de l’ bankiero HVa
braka rilata al brako(j): braka arterio braka plekso braka muskolo musculus brachialis, kiu fleksas la antaŭbrakon al la brako 2
brakumi tr premi iun en siaj brakoj: brakumi malamikon, sed nur por lin sufoki! Sin. ĉirkaŭbraki, enbrakigi. ➞ ĉirkaŭpreni.
brakumo ago brakumi: oni bonvenigis lin per brakumoj HGK per ardaj ĉenoj ligu min brakumo KKa
apogobrako parto de seĝo, sur kiu oni apogas la brakojn: li metis la libron sur la larĝan apogbrakon de la seĝo Z
ĉirkaŭbraki brakumi iun: estas tempo por ĉirkaŭbraki, kaj tempo por foriri de ĉirkaŭbrakado MT ili rapidpaŝe alproksimiĝis kaj ĉirkaŭbrakis unu la alian HLu ŝi min ĉirkaŭbrakas, kisas kaj faras al mi, kion mi plej amas HGa
enbrakigi brakumi iun: Marta genuiĝinte volis enbrakigi la filineton Z kial vi volas enbrakigi virinon ne apartenantan al vi? MT
krucobrako
1 brako 4 de kruco: metante la viktimojn dorse sur la trabojn, ili komencis alnajli iliajn manojn al la krucbrakoj LiZ
2 ELEK ĉe fosto de supertera lineo ① 3 transversa tenilo por teni izolilojn.
lev1obrako FIZI de forto rilate al rotacicentro distanco inter la apogpunkto de levilo kaj la punkto, kie agas la koncerna meĥanika forto. ➞ momanto.
riverbrako parto de rivero, kiu disbranĉiĝas de la ĉefa fluo: multaj el la kanaletoj, kiuj interplektiĝas inter la grandaj riverbrakoj, tre mallarĝas WSc ➞ alfluanto.
sepbraka havanta sep brakojn: la sepbraka templa kandelabro Z
subbraka rilata al aŭ situanta en subbrako: subbrakaj haroj PPe
subbrako akselo 1: la neĝo altiĝis kelkfoje ĝis la subbrakoj FSz