PIV 2026 · Artikolo 10943
★nesto
Derivaĵoj en la artikolo 12
★ nesto
1 korbeto aŭ konstruaĵeto farata de birdoj, malgrandaj bestoj kaj kelkaj insektoj kaj fiŝoj por demeti siajn ovojn kaj kovi la idojn: al ĉiu besto plaĉas ĝia nesto Z la hirundoj konstruis nestojn Z ripari la neston Z ili okupis la malplenan neston de hirundoj Z (analoge) ne taŭgas du ursoj por unu nesto Z
2 (figurasence) kovejo de malbonfaraj estaĵoj: ĉu tio ĉi estas la nesto de la drakoj? rifuĝejo de la rabistoj Z ĉu ĉi tiun domon vi rigardas kiel neston de rabistoj? MT
3 (figurasence) hejmo; propra loĝejo: ankaŭ al nia nesto venos iam la festo Z la edzo aranĝis por ŝi molan, varman kaj oportunan neston Z fari sian neston daŭre sin instali ie
nesti ntr
1 konstrui al si neston: la birdoj en printempo, por ovojn meti, nestas KKa
2 loĝi en nesto: gardoturoj, en kies truoj nestas paseroj Z du agloj ne nestas kune G
(figurasence) floroj nestas en la rokfendoj en la koro, en kiu regas Karolo, neniu filo de la tero devas nesti Z konstrui neston kaj neniam nesti! KKa
nestaĉo malriĉa senkomforta loĝejeto: alte troviĝanta, nuda kaj malvarma nestaĉo, kiu estis ŝia loĝejo Z
nestado ago nesti.
nestiĝi, eknesti, ennestiĝi
1 ekloĝi en nesto: hirundo eknestis sub mia tegmento
(figurasence) la militfebro nestiĝis en lia kapo vi ennestiĝas en kafejoj, bordeloj, drinkejoj Z
2 BIOL juna embrio de mamuloj fiksiĝi en la uteran mukozon: ĉe homo la embrio nestiĝas 7–8 tagojn post la fekundiĝo
aglonesto nesto de aglo.
gvatnesto observejo ĉe la supro de masto.
hirundonesto
1 nesto de hirundo.
salangannesto
1 nesto de salangano.
2 KUIR hirundonesto 2.
ventonesto BOTA fefasko.