PIV 2026 · Artikolo 12861

★propra

Litero P★ Fundamenta

Derivaĵoj en la artikolo 9
  1. propre
  2. propri
  3. propraĵ/o
  4. proprec/o
  5. proprig/i
  6. proprul/o
  7. alproprig/i
  8. malpropra
  9. radikpropra
★ propra
1 apartenanta ekskluzive al iu aŭ al io: propra nomo jen moro propra al la angloj Esperanto estas propra apartenaĵo de neniu nacio propra opinio ne estas leĝo por alia Z la propra valoro de homo Z EKON propra havo akcia kapitalo kaj rezervoj
2 apartenanta ekskluzive al la gramatika subjekto: korniko vundita propran voston timas Z ĉiu propran saĝon posedas Z en propra angulo ĉiu estas fortulo Z en fremda tegmento li flikas truon kaj en propra ne vidas la fluon Z marŝi sur propraj piedoj ne rajdi aŭ veturi ➞ sia.
1 Propra estas pleonasme uzata por akcenti la posedajn pronom-adjektivojn: ili ĉion metis en sian propran poŝon Z personoj kiuj ne scias alian lingvon krom sia propra FE tio estas ja mia propra infano Z mi uzos liajn proprajn vortojn ➞ mem 1.
propre
1 en propra maniero: aparteni propre al iu
2 proprasence; se diri ĝuste: la utilo estas tiel videbla por ĉiu, ke pri tio ĉi ni propre ne bezonus paroli Z kio propre levis la homaron super ĉiuj aliaj bestoj ? Z ne preninte sur sin la laboron almenaŭ iom ekscii, super kio ili propre laboras Z
propri esti propra: ĉu amo propras nur al la homaj estaĵoj? SBe
propraĵo
1 aparta karakteriza trajto: la rido estas propraĵo de la homo
2 proprietaĵo: la saĝulo portas kun si sian tutan propraĵon B ➞ posedaĵo.
propreco atributo, eco, karakterizaĵo aŭ trajto: la proprecoj de la solidaj korpoj B
proprigi igi ion propra: li proprigis al si eĉ la ridindaĵojn de sia majstro ➞ akapari.
proprulo proprietulo: vi estas nun la sola kaj plena proprulo de la libera posedaĵo, kiun vi ĝis nun havis en farmo Z
alproprigi transigi posedaĵon de unu persono al alia: mi povus ja tiam alproprigi al mi la tutan mondon! Z (figurasence) la malfacileco alproprigi fremdan lingvon je alta nivelo MFe
malpropra apartenanta al iu alia ol la gramatika subjekto: ne miksu vin en malproprajn aferojn Z miksi sin en malpropran disputon MT ➞ fremda.
radikpropra BOTA arbo ne greftita, sed kreskanta el propraj radikoj.