PIV 2026 · Artikolo 1482

★avida

Litero A★ Fundamenta

Derivaĵoj en la artikolo 13
  1. /avida
  2. avide
  3. avidi
  4. avido
  5. avidec/o
  6. avidul/o
  7. impresavida
  8. mal/bonavida
  9. monavida
  10. parolavida
  11. potencavido
  12. sangavida
  13. voluptavida
★ avida forte deziranta ricevi aŭ ekposedi ion: ili estas hundoj avidaj, kiuj ne povas satiĝi MT leono krieganta kaj urso avida MT homo avida je gloro homo avida al laŭdoj homo avida pri riĉaĵoj polemikistoj, avidaj prikomenti tiun aŭ alian eventon PGu ➞ avara.
avida sufikso (ĝenerale malŝate) forte deziranta agon aŭ aferon. ➞ malbonavida, monavida, parolavida, sangavida.
avide en avida maniero: oni prenas avide, oni redonas malrapide Z dronanto eĉ herbeton kaptas avide Z ŝi avide direktis siajn okulojn al la vizaĝo de la malsupreniranta virino Z
avidi tr pasie deziri ekposedi aŭ ricevi ion: kiu avidas pli bonan, perdas plej bezonan Z ne timu Nur mian sangon avidis la malpiuloj Z mia animo avidas klerecon Z ju pli oni posedas, des pli oni avidas Z ➞ aspiri, soifi, strebi.
avido avideco: por kontentigi la avidon je profitoj, oni maldungis laboristojn SMa tiom estis mortigitaj, ke eĉ la avido de la popolanoj je tiaj scenoj satiĝis ALö
avideco forta deziro akiri: gardu vin kontraŭ ĉia avideco NT senti avidecon je la povo kaj gloro nobla avideco je scio Marta aŭskultis tiujn vortojn kun avideco Z Sin. avido.
avidulo iu, kiu avidas: donu fingron al avidulo, li tutan manon postulas Z nek ŝtelistoj, nek aviduloj, heredos la regnon NT
impresavida avida ricevi fortajn impresojn.
malbonavida avida fari krimojn aŭ aliajn malbonaĵojn: atentu, vi malbonavidaj servistoj de miaj barbaraj ordonoj Z
monavida avida gajni monon: la Fariseoj ankaŭ, kiuj estis monavidaj, aŭdis ĉion NT la lando fariĝis pli mi-isma, memcentra, monavida PGu
parolavida forte deziranta paroli: pensoj, kiujn la parolavida langeto eligadis antaŭ la patrino Z
potencavido forta deziro akiri potencon: la potencavido de kelkaj povas disbati la vivojn de multaj MBo
sangavida avida mortigi aŭ serioze vundi: la rusa gento neniam estis kruela kaj sangavida Z eksplodas milito, li fariĝas sangavida mortigemulo ELa ili komencis persekutadon, sangavidajn torturojn kaj mortigadon Ko
voluptavida amanta volupton: voluptavida brusto Z Sin. voluptama.