★taks/i

1 Fari al si opinion pri la pli-malpli granda ŝatindeco de persono: mi taksas ĉiun homon nur laŭ lia persona valoro k agoj ^Z; taksi iun ne laŭ lia sukceso, sed laŭ lia merito ^Z; kia oni vin vidas, tia oni vin taksas ^Z; kiel oni vin taksas, tiel oni vin regalas ^Z; poton taksu laŭ sono, sinjoron laŭ tono ^Z; ne taksu vian kontraŭulon tro malforta ^Z; (f) belecon taksas ne okulo, sed koro ^Z. ☞ estimi, juĝi, konsideri, rigardi.

2 Fari al si opinion pri la valoro de ia ago, ideo ks: kiel la mondo povoscias taksi meritojn! ^Z; multaj el ni konas k juste taksas la esencon de fremdaj religioj ^Z; malplaĉas nenio, se taksas pasio ^Z; mi estas certa, ke vi alte taksos la gravecon de tiu ĉi fakto ^Z; taksi la sanon ni lernas en malsano ^Z; (se vi oficialigos la C. O., tiam) ĉiuj viaj agoj estos tre alte taksataj ^Z; li taksis, kiel grandajn servojn la pastro povas fari al li ^B.

3 Sen la helpo de sciencaj procedoj, difini la kvantan, monan ktp valoron de objekto: oni taksas je cent la nombron de la pereintoj; la bieno estis taksita je 10 000 frankoj ^B; la tribunalo taksis la juĝokostojn je dek dolaroj; oni povas taksi je cent mil markoj la deficiton de la tuta kongreso.

4 £ Oficiale difini la maksimuman vendoprezon de varo aŭ servo: pro timo de inflacio, la registaro taksis la ĉefajn nutrovarojn; taksi la medicinajn aktojn.

5 £ Meti specialan imposton super iu varo aŭ iu servo: en multaj landoj la benzino estas taksata, kelkafoje tre alte.