PIV 2026 · Artikolo 15447
★teksto
Derivaĵoj en la artikolo 11
★ teksto
1 propraj vortoj de la aŭtoro, konsistigantaj libron, broŝuron, dokumenton, akton, skribaĵon, kontraste kun la komentarioj aŭ tradukoj:tio estas la originala teksto kia estus la plej bona teksto por tiu ĉi Deklaracio Z mian tekston mi sendas nur kiel ekzemplon kaj projekton Z mi tre miras, ke ili akceptis tiel nebonan tekston por sia decido Z telegramo kun konvencia teksto Z nenio el ĉi tio troviĝas en la teksto! la «Maksimoj», teksto kaj traduko la teksto estas senespere fuŝita ➞ hiperteksto.
2 TIPO ĉefa parto de presita paĝo, kontraste kun la notoj kaj ilustraĵoj: la teksto de la poemo estas malpli klara ol la bildoj la teksto kaj la marĝenoj metu la notojn ne en la tekston, sed sub ĝin ➞ areo.
3 sencodonaj vortoj, kiuj akompanas desegnon, bildon aŭ muzikon: komponi arion sur teksto de Heine la teksto estas pli sprita, ol la karikaturo
4 KRIS citata mallonga frazo aŭ frazero el la Biblio, uzata kiel temo de prediko: sian tekston li tiris el Ijob (figurasence) nek al teksto, nek al preteksto paroladi sensekve aŭ maltrafe Z ➞ moto.
teksta rilata al teksto: teksta eraro teksta kritiko
teksti ntr esti formulita per iuj difinitaj vortoj: la frazo tekstas jene leĝo tekstis, ke murdiston punos morto
tekstaro
2 LING korpuso 2 de tekstoj.
tekstilo KOMP tekstoprilaborilo.
kantoteksto MUZI teksto de kanto: en sia junaĝo li verkis poeziaĵojn kaj kantotekstojn RE!
kunteksta rilata al kunteksto: komparante la kuntekstan tradukon en la aliaj lingvoj, oni facile trovos la veran sencon de ĉiu vorto FA
kunteksto
1 tuto de la cirkonstancoj, rilate al kiuj io okazas aŭ estas traktata, kaj kiuj influas kiel ni komprenas, taksas, aŭ aplikas ĝin: la partoprenantoj estis invititaj komenti la ilon, sugesti ŝanĝojn por igi ĝin pli efika aŭ por uzi ĝin en alia kunteksto Ko krome la agado de Přemysl Pitter estas interesa en la kunteksto de la postmilita forpelado de la germanoj el orienta Eŭropo SBe inkluzivante Esperanton kiel diskuttemon kaj laborlingvon, la simpoziaro celas, en aktuala kunteksto, revivigi kaj daŭrigi la diskuton kiun li Nitobe Inazô ekigis siatempe GRa kiel religie liberalaj homoj ili agnoskas, ke la sanktaj tekstoj estas verkitaj de homoj kaj tial estas interpretendaj laŭ la historia kunteksto, en kiu ili estas verkitaj Ko
2 sumo de informoj disponeblaj el la ĉirkaŭa diraĵo aŭ teksto kaj el la komunikaj cirkonstancoj, per kiuj aŭskultanto aŭ leganto interpretas la precizan signifon de esprimo: la senco estas facile komprenebla el la kunteksto Z ne malofte dum legado ni renkontas vortojn fremdajn al ni, vortojn kies signifon ni tute ne scias aŭ nur deduktas el la kunteksto Ko laŭeble ĉiam termino devas esti unusignifa ankaŭ ekster la kunteksto JWn
1 En la vorto kunteksto la radiko «tekst» estas ĉiam uzata figurasence pri la tuta komunika situacio, kiu ne bezonas esti efektiva teksto.
laŭtekste reproduktanta ĝuste la tekston: li skribis laŭtekste jenon
plata teksto datumoj, kiuj konsistas nur el tekstaj signoj.
senteksta (bildo, ario k.s.) ne akompanata de ia teksto: sentekstaj romancoj
subteksto FOTO skriba traduko de fremdlingva filmo, aperanta ĉe la malsupro de la bildoj: la dialogoj estas en la albana, pola kaj rusa kun subtekstoj en la angla BSe ➞ dubli.