PIV 2026 · Artikolo 2185
★breto
Derivaĵoj en la artikolo 8
★ breto horizontala tabulo aŭ plato, por surmeti objektojn: bretoj de etaĝero bretoj de ŝranko sur unu el la fenestraj bretoj staris du strangaj florpotoj Z GEOL (analoge) kontinenta breto la plej supra zono de la kontinenta marĝeno
bretaro meblo surplanka aŭ ĉemura kun pluraj bretoj. ➞ etaĝero.
fenestrobreto breto fiksita interne de la ĉambro kaj sub la fenestro.
kamenobreto supraĵo de la elstara parto de kameno, formanta breton: kamenbreto el marmoro
kontinentobreto GEOG parto de kontinento, kiu per facila deklivo kontinuas sub la maro, kaj ĉe kiu la marfaŭno estas malsama ol ĉe la pli grandaj profundaĵoj.
librobretaro bretaro, sur kies bretoj oni tenas librojn. ➞ libroŝranko.
piedbreto VETU breto de kamiono, uzata por ebligi suprenpaŝon en la kajuton.
telerbretaro meblo kun bretoj, sur kiuj oni elmetas arte dekoraciitajn telerojn.