PIV 2026 · Artikolo 3127
★digesti
Derivaĵoj en la artikolo 9
★ digesti tr
1 BIOL fari la digeston de nutraĵo: beboj ofte malbone digestas la bovinan lakton mi ne povas ĝin punĉon digesti Z mi ne ŝatas esti ĝenata de vizitoj, dum mi digestas ➞ asimili, sorbi.
2 (figurasence) asimili aŭ tolere akcepti ion aŭ iun: la esperantistoj kaj la literaturo havu sufiĉe da tempo, por plene digesti en sia spirito la neologismojn Z vin mem hebreojn mi neniam povis bone digesti Z
digesta rilata al la digesto: la digesta aparato tuto de la organoj, kiuj kunhelpas al digesto: nutrokanalo, salivaj glandoj, pankreato, galveziko k.a. digestaj sukoj
digesto, digestado BIOL tuto de la agoj (meĥanikaj, fizikaj kaj ĥemiaj) en la nutrokanalo, kiuj transformas la nutraĵojn al likvo sorbebla de la intestoj: buŝa digesto stomaka digesto intesta digesto havi bonan digeston havi malfacilan digeston ➞ ekskrecii, ekskrementi, sorbi; ĥilo, ĥimo, enzimo, suko.
digestebla tia, ke oni povas ĝin digesti: pri unu nutraĵo oni diras, ke inter siaj aliaj bonaj ecoj ĝi estas ankaŭ facile digestebla Z (figurasence) rigardi aferon kun des pli da estimego, ju pli ĝi estas komplikita, ampleksa kaj malfaciledigestebla Z
digestiga faciliganta la digestadon: digestiga medikamento
digestigaĵo KUIR trinkaĵo, kutime alkoholaĵo, kiun oni trinkas post manĝo aŭ meze de abunda manĝo: dummanĝa digestigaĵo ➞ aperitivo, bitero.
digestujo KEMI aparato uzata por ekstrakti la solveblajn partojn de iaj substancoj per la ago de varmo.
misdigesto malbona farto pro perturbata digesto.
nedigestebla tia, ke oni ne povas ĝin digesti: nedigestebla manĝo nedigestebla traktato nedigestebla kompilaĵo historiistoj memoros la jaron 2015 pro ĝiaj nedigesteblaj sandviĉaj kvalitoj PGu